|
周秀娜穩膽 6號
全城勁煲一億(6)(合)(彩)
蘋果日報2011-05-19
近 34年來香港首次連續八期(6)(合)(彩)冇人中獎，明晚舉行的(6)(合)(彩)攪珠，頭獎一注獨中獎金預計可達一億元，創下(6)(合)(彩)史上最高派彩紀錄。這一億派彩令全城陷入(6)(合)(彩)狂熱，娛樂圈的名人藝人及 o靚模等各界組別均加入博彩大軍。自認冇橫財命的 o靚模一姐周秀娜和視帝黎耀祥等，都急不及待自度六個心水冧巴博一鋪。五年內連中四次(6)(合)(彩)二獎的「財神」梁思浩昨公開其博彩心得，但他卻婉拒提供心水冧巴。反而另一財神、曾主持長達 17年《(6)(合)(彩)》直播節目的夏春秋（冬叔），則無私奉獻(6)(合)(彩)攻略，他笑言：「唔買就一個機會都冇，我都鼓勵人買，可能失驚無神財神到！」採訪：夏琴
《女神組》
周秀娜買樓遊埠
「我會買呀，平時我冇買(6)(合)(彩)嘅，因為冇乜橫財運，但今次會一齊高興吓，我爹哋媽咪平日都有買，我搭單啦，我聽同事講開話今期有一億獎金，都心郁郁想買，當買個希望，中咗就唔做嘢住，唔理後浪，坐吓先啦，哈哈！同父母去旅行跟住買層樓，家齋諗都已經好開心，中唔中都唔緊要咯。」 心水： 5、 6、 8、 17、 22、 35
Baby情傾 7仔
「 7號一向係我嘅幸運號碼，都係同朋友細細哋夾份，鍾意自己貼，都中過 20蚊嘅。」 心水： 7、 17、 27、 28、 37、 38
楊梓瑤換屋養家
「中咗嘅話第一件事就係換層大啲嘅樓畀屋企人，同埋入股我嘅 model公司。」 心水： 6、 13、 17、 23、 39、 42
陳法拉買個希望
「買個希望啦，喺香港冇買過(6)(合)(彩)，買過幾次馬，但都唔中。」 心水： 1、 3、 7、 9、 12、 23
《財神組》
夏春秋：覺得會開細
「上期開晒大冧巴，我覺得今次反而開細，一係就好疏落，或者集埋另一邊好似 12、 13、 19咁，大多數都有呢個現象，博彩嘅嘢有啲邪氣，大家不妨諗諗。我心目中有四個冧巴，其餘兩個大家憑想像，我噏中晒就神奇啦！唔買就一個機會都冇，我都鼓勵人買，可能失驚無神財神到！」 心水： 2、 8、 16、 25 梁思浩中四次二獎 梁思浩曾中過四次(6)(合)(彩)二獎，堪稱新一代財神，近半年連中三次的獎金總共高達 470萬之多，認真好運。由於梁思浩每次中獎都是買電腦飛，所以他婉拒提供心水號碼，他說：「買(6)(合)(彩)時同天講有幸中到會將財富嘅一半或三分之一送番晒畀要幫助嘅人，個天會賞賜你。我每次都只係買一張 20蚊電腦飛，我諗買幾多張都係中一條。」 心水：電腦飛
好姨父女曾中獎
中過幾千蚊(6)(合)(彩)的薛家燕（好姨），自言其父比她更好運，中過幾次三獎，所以今次得知彩池有一億元，她表示父親已叮囑她一定要買，她說：「我買(6)(合)(彩)係一個感覺，好運個冧巴會碌出嚟就你，今次會買 1,000蚊樓下。如果中咗一億我唔會退出，會做啲有意義嘅嘢，做善事。」 心水： 3、 15、 23、 26、 30、 48
馬仔生日中三獎
去年 10月 26日馬仔 39歲生日，當日他中了(6)(合)(彩)三獎，獲分 36,000元，昨日他說：「舊年我生日中咗三萬六，張飛係電腦飛，係朋友送畀我嘅生日禮物，有 110注中。今期如果中咗，一定將啲錢捐去做公益，跟住同成家人十幾二十人坐郵輪旅行，然後買樓。」 心水： 6、 10、 23、 26、 38、 40
《名人組》 趙世曾幸運 4號
「 4號係我幸運號碼，我車牌都係 4號，呢世人都未買過(6)(合)(彩)，我寧願努力賺錢，留番畀啲有需要嘅人中啦！」 心水： 4、 8、 17、 18、 23、 28 徐濠縈心水： 4、 7、 10、 17、 27、 37
《相士組》 麥玲玲：藍綠色當旺
「中(6)(合)(彩)係好睇個人有冇偏財運，開(6)(合)(彩)嗰日係乙亥日，水木比較旺，但嗰日係破日，破有破壞同重新建立嘅意思，如果貼(6)(合)(彩)就可以揀啲冷門嘅數字，呢啲日子熱門嘅嘢冇咁着數。嗰日財神方位係東南方，東南邊嘅投注站機會高少少，如果投注站做緊啲維修工作或三岔口，冲及煞氣高啲，咁派彩機會就高啲，嗰日比較差嘅位係東北及正北，藍色綠色會當旺少少，或者(6)(合)(彩)啲波係呢啲顏色，而吉時就係 1點到 5點。」 心水： 1、 8、 10、 11、 23、 44
蘇民峰：有利肖猴雞
「我兩個字都未中過，千祈唔好信我啲心水，不過嗰日最有利生肖係猴同雞，同埋屬金嘅人，最有利顏色紅橙紫，其次係米黃啡，最有利方位係東南，投注位係東南或者東南區投注站，九龍區東南即係紅磡、長沙灣、九龍灣，港島就係赤柱。 「最有利嘅冧巴係 2同 7，其次係 5同 0，即係 22、 27、 32、 37……，自己串一條出嚟。最重要係睇你無名指對落有冇星紋或者米字紋，呢啲就係中獎命，一生人會中好多次。」 心水： 2、 7、 22、 27、 32、 37
區仲德：西北面財位
「今個月係農曆四月，嗰日係水火相冲，會帶旺一啲 1、 2、 9嘅號碼，用呢三個號碼做膽，拖 12、 29、 39，咁就有機會中頭獎。今個月最利方位係西北面財位，最好入去投注站時向西南面，揀啲 1、 2、 9號 counter，喺中午 12時及晚上 7時去買就特別利啲，服飾以黑、藍、紅色特別旺財，最好叫職員同你填飛或打飛，咁就特別旺。」 心水： 1、 2、 9、 12、 29、 39
《紅人組》
楊千嬅心水： 1、 2、 3、 4、 5、 6 陳慧琳心水： 12、 14、 27、 36、 39、 42 佘詩曼心水： 1、 3、 23、 27、 38、 45 黎耀祥心水： 3、 12、 23、 25、 38、 43 胡杏兒心水： 6、 11、 17、 18、 35、 36 黃宗澤心水： 6、 9、 12、 29、 36、 47 | 
狗仔卡
发表于 2011-5-19 18:37:52
收藏
顶
踩
提升卡
置顶卡
沉默卡
喧嚣卡
变色卡
显身卡
发表于 2011-5-19 19:27:13
发表于 2011-5-19 23:15:47
好搞！
千脑提供附件上传 不限文件类型，不限制文件大小(自拍、原创图片建议使用“图片”上传,可批量上传)