2011-2-12諸葛梓岐：我冇公主病

falafan

MC Jin今美國娶妻
下月返港開 P勤做工
蘋果日報2011-02-12

踏入兔年娛圈喜事一宗接一宗，繼李嘉欣誕下麟兒後， 28歲饒舌歌手歐陽靖（ MC Jin）也於今晚在美國迎娶圈外女友 Carol。新郎哥下月返港時除會開派對跟香港老友慶祝外，更將接拍無綫新劇《 Laughing Gor》，跟謝天華一齊拍檔搵食。

早前本報獨家報道歐陽靖將於今個月在美國迎娶拍拖多年的圈外女友 Carol，事後 MC Jin在網誌多謝各方祝福，默認婚訊。據知， MC Jin原來今晚（美國時間 2月 12日）在美國娶老婆，昨日準新郎將一對史迪仔與女友的結婚公仔照片放上 facebook，獲大批 fans送上祝福。

先留美錄音

消息指出， MC Jin結婚後，將先留在美國為新碟錄音，雖然他低調結婚，未有邀請香港圈中好友出席，但下月 MC Jin返港後，將會再跟一眾香港老友食飯慶祝。據悉，他下月返港後將工作不斷，除將再為無綫 J2台主持節目《兄弟幫》外，更會為無綫拍攝電視劇《 Laughing Gor》（暫名），飾演謝天華的下屬。

記者昨日致電《 Laughing Gor》監製莊偉健求證，他說：「係呀， MC Jin有份做，謝天華係刑事情報科嘅教官， MC Jin係其中一個學員。」問是否知道 MC Jin今個月結婚時，莊偉健笑說：「我知佢結婚，但就冇講幾時囉。」

拍 Laughing Gor

至於有份參與《 Laughing Gor》演出者還有劉松仁、陳法拉、徐子珊、黃宗澤、郭政鴻和狄易達等等，問新劇會否是《學警狙擊》或是電影《 Laughing Gor之變節》延續時，莊偉健說：「我哋只係攞番個人物嚟做，係一個全新古仔，當謝天華上次假死，原來佢去咗內地做卧底，破咗單大案之後返香港，做咗刑事情報科嘅教官。劇裏面陳法拉做謝天華女友，個樣好似佢以前死咗嘅女朋友，係一個全新角色，預計下個月中開工。」

falafan

諸葛梓岐：我冇公主病
東方日報2011-02-12

有「公主」之稱的模特兒諸葛梓岐，出道至今負面新聞多多，「公主病」、「金句王」及與陳法拉的「恩怨」最為人熟悉。面對負面批評及報道，梓岐懂得自嘲一笑置之。面對男友，亦不會要求對方服從及遷就自己。她是公主，但絕對沒有公主病！

「唔會睇唔起人」

各位好，我係諸葛梓岐，英文名Marie，大家可能會叫我諸葛公主。入行至今兩年幾三年，有過唔少負面報道，當中最多網友提起嘅一定係我嘅金句同公主病呢兩件事。好多人都問我點睇，其實我真係唔介意，入咗行之後，人哋鍾意講乜就講乜，總之我做好自己，自己唔好將件事放大，公主病好濕碎啫﹗

不過，我要強調，我係冇病架！我好健康。我只係做人有要求，呢個並唔係壞事。好似食嘢咁，我唔會乜都食，會有自己嘅選擇。總之我對人唔差，對朋友仲好好添。我唔會亂發脾氣，亦唔會睇唔起人。

「對住傳媒標汗」

不過老實講，我依家講嘢真係會小心好多，有時對住傳媒真係會標汗o架！哈哈，因為我平時連做運動都好少出汗。當記者問我嘢，我左腦好想講出嚟，但右腦就會叫我唔好講。你知啦，我個人向來好率直，有嗰句講嗰句，所以真係好辛苦。最難就係為咗要顧全大局，有時明明知道內情，但都唔可以解釋。可能我真係唔識同傳媒應對啦。

對我嚟講，好多新聞都好無辜！好似之前陳法拉事件咁（被指踢爆陳法拉結婚），我真係乜都冇講過，只係有記者同我講陳法拉結咗婚，我就話恭喜佢，無端端變咗係我爆料。仲有之前話我同男友分手，其實我只係話覺得工作同愛情好難兼顧，我係有感而發，想同大家分享吓感受，並唔係同男友分手，但寫出嚟就變咗另一回事。

我覺得入行前後最大分別，就係以前我嘅世界只有黑同白，係冇灰色。以前同人講嘢唔會擔心，唔會驚，屋企人由細到大都教我要用個心去對人，點樣諗就點樣講，但咁就出事啦﹗如果你問我係咪有嘢想平反，答案係冇嘅！喺娛樂圈，如果要平反，就係自己攞嚟衰，所有事咪當娛樂吓人，自己笑吓咪算囉，冇乜所謂，最重要係身邊人知道自己係點樣嘅人就OK。

陳法拉經常與諸葛梓岐傳是非。

「拍拖從冇爭執」

提起身邊人，咁當然包括我男友（Neway二太子薛嘉麟）。我同佢拍拖兩年幾，大家相處得好開心。我覺得相處之道最重要係大家講道理同互相支持，佢對我嘅工作係好支持，同畀絕對自由。

可能大家以為我係屬於小鳥依人嘅女朋友類型，但其實唔係，我外表女仔，但性格男仔頭，我對拍拖好理性，唔會感情用事，鍾意講道理，只會對事不對人。我亦唔需要男朋友絕對遷就，大家互相遷就先公平，而且每個人都有脾氣，如果男友就晒我，咁我又會覺得佢冇自己性格。我哋拍拖咁耐，從來都冇任何爭執，就算之前佢畀人影到上遊艇，有個o靚模主動黐埋去，我都只係笑佢畀人抽水，因為我對佢非常信任。

我同男友只係好正常咁拍拖，生日禮物或者佢突然嚟探我班都會有，但唔會話好誇張感動到喊。我哋真係冇乜高低起伏或者火花，係細水長流嗰種。之前有傳媒問我幾時結婚，其實我唔會將結婚睇到好大，我覺得結婚同拍拖嘅分別只係欠張紙，我喜歡自由啲。

一定唔搵代母

當然我哋係有傾過結婚，但完全冇諗過點搞，未有任何實質計劃，亦唔會係短期內發生嘅事，因為太多工作安排咗，可能最快都過咗聖誕。不過我可以肯定咁講，婚後我一定會繼續做嘢，可能工作性質會有啲唔同。我亦都一定會生小朋友，生兩個，最好生龍鳳胎一次過搞掂，如果利用人工受孕方法可以生龍鳳胎，我都唔會介意，最重要係唔會影響BB健康，但我一定唔會搵代母，我會自己生。

自認怕死 想做醫生

唔知大家估唔估到我小時候嘅志願係咩呢﹖做公主？梗係唔啱啦！我細個想做醫生，因為覺得醫生好厲害，醫生係唔會生病嘅（當然長大後知道唔係），因為我好怕死。不過人大咗就有好多變化，好多事都意想不到。我入行做模特兒都只係出於巧合，當時有個阿姨問我有冇興趣做兼職模特兒，佢話工作簡單，老咗又可以睇番啲相做紀念，我就答應咗。

我對任何事都唔會計劃太多，覺得人自有命數，我相信前世今生，好多事唔需要強求，係你就係你。我冇諗下一步係點，總之有機會就去嘗試。

文：名人組

falafan

兔年新人王 歌影視壇等接班 64%被訪者 睇好林欣彤巨聲變巨星
星島日報2011年2月11日

兔年剛至，觀乎今年歌影視壇，必有一番新景象。去年歌壇跑出個「小天后大巨肺」林欣彤，預計今年會動若脫兔，在樂壇一片杯葛爭拗聲中，備受力捧換新天；至於影壇亦冒出位新人王李治廷，虎年演完《歲月神偷》再演《李小龍》，堪稱文武雙全，來年勢必繼續成為搶手貨；至於視壇方面，年前已被睇好上位的陳法拉，終憑《義海豪情》奪女配角獎，會否再下一城坐正視后寶座？大家且拭目以待！

哪位藝人會兔氣揚眉，成為新人王主宰歌影視壇？本報為此進行了一次民意調查，並成功在街頭訪問了50名市民，查詢他們心目中的兔年上位新星，結果如下——

歌壇新人王第1位，得票率64%，巨肺變天后。今次有不少被訪者均一致看好林欣彤會全力上位，不但會叱咤樂壇，還睇好她會在影壇及視壇有一番作為，原因相當簡單，由於TVB繼續與5大唱片公司開戰，加上杯葛聲不絕，令香港樂壇陷入天殘地缺之局，今年若無寸進，各媒體力捧自家新人，會是唯一解決方法，由於TVB仍有強大影響力，全力催谷捧一班「巨聲幫」又有何難？包括現身所有綜合節目、慈善大騷、音樂特輯、唱盡所有劇集主題曲等，不用1年，就可在巨聲捧出幾個巨星，而林欣彤絕對是當中的星中之星。

雖然林欣彤未見有首隻劇集主題曲出現，但就不難發現她的蹤影，例如近日賀歲片之一的《我愛HK開心萬歲》，佔戲不少，堪稱TVB力谷她的頭炮製作。而TVB聲言今年會力捧她，除了會簽約唱片公司，亦會推出處女大碟，更有機會拍劇，預見林欣彤在兔年的走勢必定爆紅。另外，被讚靚仔又唱得的許廷鏗，就是TVB「巨星幫」另一秘密武器，除了唱得，也夠條件拍戲，更率先迷倒不少師奶與少女，但鑑於TVB要力捧林欣彤，所以跑出指數會稍為看低一綫。至於在亞視首屆《亞洲星光大道》奪總冠軍的羅力威  ，同樣被視為繼林欣彤後，可以在今年火速上位的新人王。羅力威有「冠軍王」之稱，由於貌似言承旭  ，得以黑馬姿態殺入樂壇，他的一首《現實不重要》亦登上網上熱爆歌曲，極具實力，只可惜他是亞視出身，雖然亞視「星光幫」贏口碑但輸聲勢，相比對家的「巨聲幫」始終蝕底在宣傳及人氣。

李治廷變身少女殺手

影壇新人王第1位，得票率44%，偷出個未來。去年初一齣《歲月神偷》，重現60年代香港的氛圍，既能勾出港人集體回憶，又可成功保育中環永利街，電影中的主角李治廷亦順理成章跑出，及後在年底再下兩城，扮演完少年版的《李小龍》後，李治廷又在賀歲片《我愛HK開心萬歲》擠出屋邨情懷，他演出的每部電影都與港人息息相關，所以入屋指數必定爆燈，兔年有望繼續成為影壇上位新星。除了影壇，李治廷亦於09年加入樂壇，並奪過新城的勁爆新人王，亦奪得商台的叱咤生力軍金獎，可謂氣勢如虹，去年《歲月輕狂》和《一片癡》兩曲亦得到不少獎項肯定，但他始終在電影方面受人注目，首次拍《歲月神偷》即捧走香港電影金像獎最佳新演員獎，其「鬼鬼地」又俊朗的外形，成為萬千少女的夢中情人。

至於近年由o靚模成功蛻變，並且齊齊闖影壇的周秀娜  和AngelaBaby，兩人去年皆做出好成績，預計兔年仍大有發圍機會。娜姐去年拍了《抱抱俏佳人》、《婚前試愛》等6部戲，後者更是聖誕檔期唯一撐場的港片，結果票房爆冷收近850萬，老闆王晶於是速拍電影《猛男滾死隊》添食，並加重娜姐與楊梓瑤的胸戰戲分，3月再來一場決戰。AngelaBaby去年繼續以「海綿蛋糕」如夢如幻的愛情催谷人氣，並拍了《全城熱戀熱辣辣》、《花田囍事2010》等電影，飾演可有可無角色，今年率先有《痞子英雄首部曲：全面開戰》和《一場風花雪月的事》等上畫，人氣不減，演技不變，花瓶依舊。

視壇人王第1位，得票率46%，「脫」兔迎視后。多年前在劇集亮相的陳法拉，已被寓言終非池中物，而且她出名夠拼搏，07年拍《師奶兵團》穿三點式被郭政鴻狂捽玉背，09年的《有營主婦》更失驚無神在鏡頭前表演一場脫衣露Bra戲分，去年的《誘情轉駁》又大跳鋼管舞，而且在兩大重頭劇《公主嫁到》、《義海豪情》分別有佔戲甚重角色，最後更憑《義》劇奪TVB最佳女配角獎項，加上又有Neway太子爺男友撐腰，可全情投入演戲，成為無綫一姐，坐正視后，指日可待。

另外，亦有市民投選胡定欣會在今年視壇上位，由於在《義海豪情》及《刑警》兩劇表現出位，在《刑》劇的演出更大獲好評，估計她在兔年可再上層樓。亦有被訪者睇好09年華姐冠軍的苟芸慧，去年她在賀年劇《情人眼裏高一D》初次亮相，雖然只有極少戲分，但連咀黃宗澤  及王祖藍  ，予人清純之感，討人歡喜，今年將有《飛虎》、《法證先鋒3》劇集推出，但若要大紅，必先趕快學好廣東話。

你認為哪位藝人會在兔年揚威歌壇？

■林欣彤64%

■許廷鏗20%

■羅力威10%

■其 他6%

(訪問以50人作基準)

你覺得哪位影壇新人會在兔年走紅？

■李治廷44%

■周秀娜28%

■AngelaBaby16%

■其 他12%

(訪問以50人作基準)

你認為哪位視壇藝人會在兔年上位？

■陳法拉46%

■胡定欣30%

■苟芸慧10%

■其 他14%

(訪問以50人作基準)

※Mandy︰今年會睇好林欣彤跑出，佢唱歌OK，又有TVB力捧，唔紅都幾難。

※鄭先生：法拉拍劇夠搏，舊年仲攞埋最佳女配角，出年有力挑戰做視后！

falafan

占

falafan

星岛日报昨天那个街坊，法拉真是与46有缘

cusa2005

说明石总还是很有前瞻性的

falafan

cusa2005 发表于 2011-2-12 08:54
说明石总还是很有前瞻性的

我最有前瞻性，老早就说2046是爱的表白

momoamos

Did I miss sth. Y I can't understand what ahT and褲儀 are talking about
如果諸葛沒有公主病,那太陽會從西邊升起

falafan

「法拉即係Fa、La，亦即係Do、Re、Me、Fa、So、La嘅第4同第6個音，所以我會改46。」

falafan

諸葛梓岐MARIRI：今天去「掃貨」，買東方曰報，第一次記者將我講的話，沒有改動的照寫了出來！好真實！我唔識講嘢，所以平凡中見率直，真實的我

迷法拉

找出些关键词  

多年前在劇集亮相的陳法拉，已被寓言終非池中物，成為無綫一姐，坐正視后，指日可待。

you520

"已被寓言終非池中物"傳說中的傳說啊,始終有一天會成為傳奇

falafan

諸葛梓岐MARIRI：今天去「掃貨」，買東方曰報，這是第一次?記者將我講的話，全部地，原封不動的登了出來。我唔識講嘢，但我真率直。希望大家了解我多一點。???

今天 13:17 来自iPhone客户端
http://t.sina.com.cn/1732032912/60L0TcOAGYm

Yy_crazy 粉丝报道

其實諸葛梓岐有沒有公主病我真的不知道！
但我見過說法拉有一輛七人車，一本雜誌說諸葛也要二少買一輛給她，并還要有司機！
其實這些我都不知道是不是真的，因為香港雜誌真的很令人疑惑！

Yy_crazy 粉丝报道

falafan 发表于 2011-2-12 10:22
「法拉即係Fa、La，亦即係Do、Re、Me、Fa、So、La嘅第4同第6個音，所以我會改46。」

原來法拉的名字是這樣來的，其實我曾經聽過！
但是忘記了，46是法拉的lucky number！

Kenwick 粉丝报道

回复 falafan 的帖子

諸葛一苏：如果唔識講嘢，就唔好講嘢。
  
  公主不一定有病，
有病的不一定是公主。

    有病的通常是不认有病，
不认有病的通常是有病。

諸葛一苏：如果有病要吃药和看医生。

你是未来“Noway" 的老板娘，要加油呀~！

falafan

Yy_crazy 发表于 2011-2-12 15:45
其實諸葛梓岐有沒有公主病我真的不知道！
但我見過說法拉有一輛七人車，一本雜誌說諸葛也要二少買一輛給她 ...

这辆车很“高调”，基本上次次活动都见，还用来车其他艺人。诸葛用这车那一定会说成是公主病的表现，法拉用就会被说另一点。所以说，同样的事，杂志是根据需要来写你的，看记者狗仔是怎么给你定型的了。

ccue

法拉係憑實力上位的,而且又年輕,終有一日可以奪得視后!

Arabeki

只希望这位小姐别再纠缠fala，不过从最近一年的新闻来看，情况比以前好很多

秀秀 粉丝报道

诸葛小姐的公主病真可怕。
现在怎么还在传法拉得视后的问题。