|
公開讚賞 阿佘陳豪
東方日報2010-09-12
發哥的上半生，一直奉獻給銀色事業，忙碌半生，對這個圈子雖然睇化，但仍喜愛，為甚麼？因為他喜歡當演員，就算飾演老生，做人阿爺，卻不覺被矮化。
阿佘與陳豪獲發哥大讚愈做愈好。
記：點睇無綫嘅劇集質素？
發：幾好睇呀！睇咗《公主嫁到》，真係幾好笑，阿佘同陳豪愈做愈好，仲有就係之前睇嗰套《女人最痛》都唔錯！
記：去年點名讚過陳法拉，今年又睇好邊個？
發：滕麗名我真係幾鍾意，佢喺《女》劇犧牲色相，又整大鼻、又醜樣，對佢嚟講真係一個好大發揮。
記：有冇諗過返無綫過戲癮？
發：哈哈！我依家唔捱得，我真係怕拍電視劇集會頂唔順。其實真係要睇有冇好劇本，Never say never。
做到阿爺都不言休
記：冇攞過奧斯卡演員獎項，其實是否一個遺憾？
發：拍戲係我嘅工作，唔可以成日諗攞獎，我真係冇乜期望，只想做好角色，唔通我話唔收錢拍一套戲去攞獎咩？講你都唔信啦！收得人薪水，做好係應該，獎項只係額外事物，反正我攞任何獎都會捐去電影圖書館。
記：幾時退休？
發：冇諗，只要做到就去做，做到做阿爺，最緊要係個角色鍾唔鍾意，每個男演員都係由小生到中生到老生，係定律！做戲唔係你揀唔揀片種嘅問題，而係人哋都揀緊你，減唔減產都唔輪到我去揀，可能十年八年都冇人搵你呢，我唔會等，有啱嘅就去做！
記：有傳你將會同周星馳合作？會唔會特別期待？
發：真係唔知，就算係都並非我兩個一齊做主線，所以唔會去諗，係就有一個劇本以我哋兩個嚟寫，咁先會好睇！
記：所以呢兩年特別勤力？
發：只係咁啱撞埋一齊，一時就有人話周潤發多嘢做，一時就話你踎躉，其實係冇變！
記：從拍劇到走入電影圈，到去荷里活發展，到依家返大陸拍戲，感覺係點？
發：只係地方嘅轉變，對白只係中文或英文，模式都係一日拍十二個鐘。當然英文同普通話都唔係我母語，要練發音都有排練！
寄語後輩自我增值
記：有冇諗過自己紅咁耐？
發：好彩！我入去做電視係火紅年代，有好多新浪潮導演，我同呢啲導演隨波走入電影圈，到90年代荷里活華人崛起，到依家大陸電影抬頭……我都好幸運食到個浪，跟住就攞到塊板再跳。呢啲就係一命二運三風水。
記：刻下演員是否生不逢時？
發：總之香港依家有叫座力嘅演員真係好少，數來數去都只係古天樂仲有甄子丹。依家潮流興o靚模，但佢哋一定要進化到一個更高層次，就好似香港小姐，張曼玉都冇攞冠軍，但佢嘅演藝事業係最輝煌，點解？因為佢識增值。
記：會唔會為依家娛圈感到嘆息，有乜寄語畀後輩？
發：到咁上下就有新景象，好似股票咁有高有低，因為「這是最壞的時候，也是最好的時候」，要把握！多做，多勞未必多得，但娛樂圈須要曝光，最重要係必須要努力！ | 
狗仔卡
发表于 2010-9-8 14:48:00
显身卡
发表于 2010-9-9 18:38:22
发表于 2010-9-12 18:02:03
千脑提供附件上传 不限文件类型，不限制文件大小(自拍、原创图片建议使用“图片”上传,可批量上传)