|
《天晴》婚變睇到忟 《摘星》似足內地劇 30%被訪者揀睇《公主》靠嘈療傷
星島日報2010年9月3日
《公主嫁到》首播當日，正值菲律賓人質慘劇發生，全城愁雲慘霧。結果有8萬人選擇上街遊行抗議，也有網民留守網絡世界出力聲討，亦有市民想轉睇一些輕鬆喜劇，一來要忘記血腥畫面，二來想紓緩一下愁緒。一周過後，這齣胡鬧喜劇竟創出最高37點超高收視，女主角佘詩曼說：「希望套劇畀到正能量大家，紓緩唔開心嘅環境。」到底市民揀睇《公》劇，原因是否如此？
受菲律賓槍擊慘劇影響，港人無不痛心疾首，愁緒久久未能散去，此時選看一些輕鬆電影或電視喜劇，某程度上，的確可為心理療傷。結果上周TVB的3綫劇集收視，《公》劇堪稱一枝獨秀，平均收視33點，最高更錄得37點，以一齣靠擠眉突舌搞笑的胡鬧劇來說，確是奇迹！阿佘解釋，是因為劇集發放正能量之故，為市民在一片愁霧裏，舒解鬱結！事實又是否如此？
本報為此進行了一次民意調查，並成功在街頭訪問了50名市民，查詢他們對劇集《公主嫁到》的意見。結果顯示，有30%被訪者直認《公》劇查實「唔係咁好睇」，一眾主角亦非演技吸引，只是近日的新聞太過沉重，剛巧這劇陣容聲勢浩大，人多聲多夠嘈吵，足以令人忘記一些血腥畫面。事實上，有市民批評《公》劇柴哇哇，主角陳豪、阿佘又演得過火，絕不討好，「《公》劇如果早1個禮拜播，一定唔會有咁高收視，又胡鬧又誇張，劇情無聊，不過呢啲叫時也命也，無得講。」
睇《天晴》唔識笑
《公》劇收視創佳績，有市民認為是其他兩綫劇「唔爭氣」造成，所謂蜀中無大將，公主作先鋒，其中有24%被訪者，率先鬧爆《天天天晴》一改過去處境喜劇的路綫，時而輕鬆時而沉重，吃力不討好，近日還力谷主角井喬（毛舜筠）、丈夫Edmond（鄭子誠）及Kitty（張雪芹）之間的三角戀，搞到網上引發不少爭論，有人鬧爆Kitty是狐狸精勾人老公，亦有人又苦口婆心，指婚變其實兩公婆都要負上責任……結果大家愈睇愈忟憎，甚至有網友揚言要掟爛電視機！
「以前《女王辦公室》睇得心花怒放，無咁沉重，人物又搞笑，即使之前嘅《畢打自己人》都係講辦公室逸事，大家睇得過癮開心，點解呢套搞啲咁嘢呀？八點半食飯時間播，輕輕鬆鬆搞吓笑咪OK囉！」有被訪者更期待，希望祥仔（黎耀祥）盡快現身，藉此扭轉「睇到忟」的困局，「祥仔同毛姐始終火花多啲，希望佢哋嘅愛情綫會係搞笑嗰隻，幫港人忘記抑鬱。」
至於由林峯、黃宗澤合演的《摘星之旅》，就有22%被訪者狠批是趕客之作！市民坦言分不清《摘星之旅》與07年的《歲月風雲》有何分別？「都係講大企業明爭暗鬥，一樣講兩代不和，仲要劉松仁一樣係演古肅佬，成套劇嘅畫面都係黑媽媽，嘥晒我個高清台呀！」不但劇情沉重，令人愈看愈情緒低落，有觀眾更認為在這傷痛時刻，寧看《公主嫁到》也不想再看苦情戲，尤其避看《摘星之旅》，因為劇情有互相出賣，盡揭人性醜陋，又有多角複雜愛情關係，統統都令人喘不過氣，市民更指劇中內地女演員連名都說不出，難以看得投入，「配音始終隔一層，唔夠親切，我仲以為睇緊內地劇添！至於劉松仁？我都係鍾意佢做《陸小鳳》多啲。」
你認為《公主嫁到》首周高開37點收視的原因是甚麼？
■為港人紓緩愁緒 30%
■《天天天晴》唔好笑24%
■《摘星之旅》悶爆22%
■其他24%
(訪問以50人作基準)
※Angela 《公主嫁到》啲演員雖然好誇張，但都幾好笑，不過有時嫌佢哋太嘈，不過輕輕鬆鬆睇下劇，都幾開心嘅。
※朱先生 近期睇電視睇新聞居多，不過亦認同現時睇喜劇，的而且確可以紓緩港人情緒，亦希望大家可減低沉重氣氛。 | 
狗仔卡
发表于 2010-9-2 20:43:12
显身卡
发表于 2010-9-2 21:49:44
发表于 2010-9-3 11:39:40
千脑提供附件上传 不限文件类型，不限制文件大小(自拍、原创图片建议使用“图片”上传,可批量上传)