《变节》影评汇总&讨论专帖（逐楼更新）

falafan

不過不失

張貼日期: 2009-08-14 17:23

評論者：smball123456789   |  1 個用家推薦這評論 (共4 個)

• 法拉有突破
• 條橋太普通....來來去去又係番抄古惑仔

非常普通,劇情老土,但演員用心
超級好睇 , 有笑位 有喊位 仲好刺激!!

張貼日期: 2009-08-14 19:22

評論者：betty85a   |  2 個用家推薦這評論 (共2 個)

• 全部
• 太短 :( 好暴力

完全無悶場 .
呂慧儀做得唔錯!好惡.
陳法拉為謝天華要脅吳鎮宇個part好感人
佢演得好好!
黃秋生 黃日華同謝天華對峙個幕好刺激!螢幕白左.好正 有懸疑感!
最尾槍戰勁好睇 好緊張 !!
好好睇呀.
快d去睇...

張貼日期: 2009-08-14 22:17

評論者：gingerlau86   |  0 個用家推薦這評論 (共0 個)

• 劇情好緊張,法拉好識做戲...
• 太短了...長d好d...

秋生冇搶戲,係劇情安排...要交代返所有野,有埋下伏線...就是秋生令laughing更肯定自己是police還是thief..因而laughing哥之後做uc先更神似..
演員做足一百分 劇本零分

張貼日期: 2009-08-14 22:50

評論者：lktsin9188   |  0 個用家推薦這評論 (共1 個)

• 謝天華 秋生 震宇都做得好好
• 呂慧儀 + 劇本

劇本簡直差到爆燈 度唔到不如唔好拍啦
果個又底呢個又底.. 上腦咩..
不過勝在演員演技搭夠 唔係咁既班底加咁既劇本的話真係仲廢過靈靈狗

falafan

Laughing Gor
網誌分類：我的消閒日記 | 網誌日期：2009-08-14 23:06

昨天相約了兩個舊同學，一起到沙田晚餐。剛剛七點到達UCC Cafe，門口已經滿是人，等了一陣子才獲安排座位。我們點了三份套餐，食物水準不過不失，最吸引的是久遺了的沙律bar。席間提及到好些電影，更即興地決定到旺角看戲。

可能是第一天上映的關係，連去了三間戲院都只剩下前排位置。我們最終（豁出去）決定坐第二排的中間，看的就是laughing gor。電影情節很緊湊，也能配合電視的劇情。由於坐得太前，好些太快的動作畫面我都看不清。每次看電影我都像個白痴，總有不明白的地方，總要身旁的好友為我解釋一番。

電影中吳鎮宇背部連中多槍，仍要把垂死的陳法拉擁入懷，兄妹之情令人感動。兩位兇狠的黑社會座頭，其實也有人性的一面。黃秋生在戲裡的化妝，像藝術，確令觀眾留下深刻印象。這兩位影帝配角，實在搶掉了不少laughing gor 的風頭。陳法拉有標緻的面孔，演繹不誇張造作，難怪近來常聽到有關她的讚美說話。

falafan

LAUGHING GOR之變節 (TURNING POINT)
網誌分類：老獨。看電影 | 網誌日期：2009-08-15 02:13

入場前,沒甚麼期望,所以,收貨.

電視劇我只間竭性地看過後半部份,不過管它的前傳後傳外傳,就算沒有看過電視劇,都應該會明白戲中所講.

卧底片去到"無間道"似乎已經被玩厭了,"三年又三年"我們已經太刻骨銘心,所以請原諒觀眾們是很難再投入去感受謝天華那種"卧中卧"的慘況.

選角成功是此片可以被列入為"好看"的重要因素.黃秋生依然神采飛揚,在忠奸正邪兩邊游走演來如行雲流水;吳鎮如奸足大半場,一除黑超卻化身成有情有義好大佬,最後他的死反而讓我們替他感到可惜;陳法拉無論是外形與演技都是眾女角中最突出的,我會以"驚喜"來形容她的表現;黃日華不知怎的一拍電影便無晒神彩?呂慧儀葉翠翠連對白都未唸得好;最可惜是我很喜愛的李思捷與黃德斌在兩位主角太強之下只能淪為活動佈景板,可供發揮的機會不多;電視藝員中最搶鏡的依然是"枈九哥"黎耀祥.

謝天華又怎樣?能夠在一齣叫做有點卡士的電影中擔正,我只可以說,他正在行緊一轉好多演員都還在等待緊的大運.

falafan

http://www6.uwants.com/viewthread.php?tid=8567049
>|Laughing Gor 之 變節|< 睇後感 {冇劇情}
by  SOS!!!!!!!!

首先要聲名
一開始睇呢套既時候,吾好係咁lum住學警狙擊果個laughing
因為好多野都吾同

論缺點
呢套戲好多flashback鏡頭
非常亂...
睇到我要靠認佢地件衫黎分別係吾係flashback黎
laughing本身個角色又錯綜複雜
如果再加埋大家對學警入面既laughing既了解
大家一定會睇到頭痛...

黎耀祥呢個角色好無謂
好似係特登整個角色出黎俾人憎下咁
浪費左柴九

仲有,
影帝級既曾志偉居然仲少戲過李思捷?!
淨係係到凸個肚腩出黎put扇

好牽強咁link返去學警個laughing到
完全同學警入面laughing個背景吾同

論優點
黃秋生(阿一)同埋吳鎮宇(座頭)兩個角色都好多gag位
對白之間都既幽默

動作場面都幾好睇

因為係前傳,,
導演好有心機咁講d警察制服改用舊式(綠色)
>[缺點]但係後尾吳卓羲同陳健鋒都著舊式就吾岩...
>[缺點]因為根據學警狙擊,當時佢地應該係已經換左新制服


論演技
謝天華同陳法拉呢2個電視演員黎講
冇乜怯場,幾好

d影帝吾使講喇
梗係好啦

另外呂慧儀我個人覺得做得吾錯
幾投入
好型
仲型過長腳蟹xD

論拍攝/剪接技巧等
拍攝角度大致上吾錯
有幾個one-shot過既鏡頭
幾好

音效冇話特別好特別吾好
好一般

剪接就好似我頭先所講
d flashback好亂..
加上佢冇果d sepia, b&w 之類既effect
好難分辨到底係咪flashback


評分:4.5/10

by King'mes

flashback我都覺有d亂
黎耀祥個角色一d都唔無謂,
一個斯文o既上司(黃日華)係要有個粗魯兇恨o既手下襯托and「做o野」
曾志偉只屬「客串」性質,少戲份係正常不過
制服方面,尾場吳卓羲同陳健鋒無估錯應該係啱啱由學堂出o黎o既散仔
唔該樓主再睇多次「學警雄心」先
演技o黎講,謝天華以前拍開戲,又做開「大天二」,點會怯呢
(古惑仔都有「大飛」同「o靚坤」啦)
陳法拉呢個電視演員o黎講,就都算ok
呂慧儀就唔係好得,身為「一哥」身邊最得寵o個個
佢只係比「讀」晒d對白出o黎好些少,做唔出角色應有o既氣焰
音響方面,其實幾場炒車同尾場槍戰都唔錯吖
至於拍攝嘛,其實佢有好多out focus
如果獨立當佢一套戲o黎睇,本人覺得有7分
(由於要應電影公司(其實係TVB)o既要求,套戲拍得超趕超急,這要體諒一下導演)
ps.感覺上黃秋生同吳鎮宇先係呢套戲o既男主角,所以齋睇佢地都低

by 渠王詹

呢套戲一開場見到係無線班底我都有啲驚.....
不過齋睇座頭同一哥嘅對白咁抵死已經夠晒皮,
長腳蟹算係做得唔錯, 我仲覺得佢做得好入格,
法拉做乖乖女早係熟手,
laughing都做得唔錯, 真係做返"學警"嘅角色, 亦擔得起第二主角...
不過去到中尾段, 無線手法又出來 ... :044:  
思捷同彬兄嘅25仔角色就不斷好快比在場觀眾估到.......
港產片, 都算係中上水準. 有 80分.....

falafan

by Polynomials

啱啱睇完，不過不失啦，
好明顯係趕工拍出來，可幸效果也不差
情節都幾緊張，(最衰東張西望成日播D 探班片，搞到我估倒D套戲講乜)
有D似將好多劇情lui埋一堆，但係拍攝出來嘅表現方法不多，劇情雖多，表現卻未夠豐富
都係在不同地方講數，劈友，好似交代咗就算，冇諗過點樣包裝好佢
最明顯莫過於曾志偉的戲份在同一個單位內拍攝。
笑位幾多，亦都唔爛，唔錯。
演員交足貨。黃秋生好搶，王日華相較被比下去。
法拉好無辜，空有女主角之名，似乎對白仲少過長腳蟹。不過表現不錯就是了，就是發揮空間不多，很可惜哦。

我俾65分。
如果交代得好D  (例如點解最後一哥要殺laughing)，套戲長少少，
有緊湊之餘亦有多點情感的畫面會好D

by fionxajv

其實我覺得七哥已經變左真正既反角色,
係最尾座頭幫LAUGHING走佬, 佢係唸順便埋佢地兩個單,
咁佢就可以刪除座頭個勢力, 而且七哥時真時假, 並唔係對LAUGHING講義氣,
到最後有機會既時候殺唔殺都係無所謂, 只係今次拖到座頭落水..
七哥殺座頭果一幕真係好衰/  \ 竟然係偷襲..
法拉第一次遇見LAUGHING果幕好搞笑.. 專登整效果, 好似眼前一亮咁..
座頭係口臭d.. 但成齣戲最有感情係佢, 真係好感動。
七哥跟出跟入果d囡好掂, 同律師坐果幕, 係咁摸手仔
閩南話又得, 英文又得, 駁嘴又得, 槍戰都得,
齣戲雖然LAUGHING係主角, 但完全被七哥同座頭呢兩個影帝搶哂..
最尾果度槍戰太多臥底喇..

by 愛者神

個人認為，今次laughing角色比起黑白道的張嘉輝還要痛苦，張家輝起碼始終係臥底探員，只有一個身份，但係laughing就有雙重身份，而且兩邊都派佢做臥底，一出事就兩邊同時追住laughing黎走，一世子都活在警察和黑社會，係邊緣處走動，容易變節，一時變警察，但一時又想變黑社會，個心態起伏好矛盾，相信此角色比張嘉輝還要瘋狂

而黑白道中張嘉輝做左8年臥底，就算全世界唔信佢都好，起碼張嘉輝自已信自已，自已能認清方向，知道自已根本不會變節做黑社會，有目標係想證明自已的清白，但係laughing呢? 佢根本係連自已都唔知自已應該向邊到走，一時向黑社會，一時向警方，令兩邊都愈黎愈懷疑laughing究竟係唔係對方派來的臥底，連laughing自已個人的目標都不能清楚，even laughing都墮入心魔地獄，只能拚命去走，去避，不能像張嘉輝有理由，光天化日下向警察證明自已的清白，所以laughing應該個人起伏會較大，值得一看

ps: 香港電影史上，就算黑白道都好似無出現過以上情景，黑社會派臥底去警察到，警察又派番佢入黑社會，結果連臥底自已都唔知自已做緊咩，真真正正的永墮無間地獄，黑白道既張嘉輝，無間道的梁朝偉同劉德華起碼都知自已做咩，變節個時目標都轉移得好快且清楚分明，但laughing根本目標都唔知去左邊，係臥底電影中幾少有，加上劇情幾好，拍攝技巧又好，兩大影帝助陣，相信呢套戲收的錢都會幾高下 !

by Figaro

今朝睇太古早場, 爆左8成有多, 真係估唔到, 重有唔少老人家捧場
講真, 只係用兩三個月籌備,開拍, 有咁嘅成績真係唔錯.  劇情方面, 上邊都講左唔少費事重複, 但時間真係短左D, 可以加番30分鐘再交待清楚某D細節.  另外, 睇得出演員無論影帝級至演技派(柴九, 黃日華等)至新扎(法拉, 長腳蟹等)都有用心演, Budget唔夠可能真係唔敢太大投資, 話哂電視搬成電影, 點都有風險, 但值得體諒.  喺無乜期望下去睇完套戲, 我會比7.5分.  講真, 真係好過嗰套話自己劇本寫左幾多年, 誓神劈願話冇抄人, 但拍到鬼五馬六重死賴話觀眾唔識欣賞嘅<<殺人犯>>.

falafan

http://hongkongfilms.mysinablog. ... p;articleId=1884744

《Laughing Gor之變節》午夜場當旺
Ryan | 15th Aug 2009 | 講鏟現象



由邵氏與TVB合作的《Laughing Gor之變節》開畫首天錄得106萬的佳績，即使翌日票房仍過百萬，成績算是理想。電影除了在正場錄得不俗正績外，午夜場亦十分當旺。

上圖所見，便是電影於周四晚分別在旺角UA朗豪坊及旺角百老匯分別於開場前半小時及一小時的「盛況」，可見其電影入座率已逾九成。相信跟電影的古惑仔題材及其電視改篇吸引了不少旺角區的午夜場觀眾所致。



事實上，從周四晚的午夜場來看，《Laughing Gor之變節》於六家戲院的午夜場達五萬多，當中旺角區的UA朗豪坊及旺角百老匯分別錄得萬二及萬五的成績，比起該兩家戲院播放其他午夜場電影至少多出一倍。不過令人意想不到的是屯門的巴倫紐米午夜場竟然也有逾三千收入。

也許是開畫理想的關係，難怪很多戲院抱著商業原則將電影於周末加場加院播放了。

congeechen

这些还好~~~都是围绕法拉本身讲~~~

falafan

现在基本上是可以下结论了，对普通观众来说，大部分觉得是部好看的电影，对电影爱好者和影评人来说，是部很一般的电影。黄秋生可以算是有赞无弹，其次是吴镇宇，两位名义上的男女主角就或多或少都被人抢了点戏，谢天华有两位影帝抢，法拉就有吕慧仪，男女主角从造型和角色性格上来看，都不是特别突出的，其他三位光造型就够突出了，一站出来就让人觉得很型，注定是抢戏的。大部分都说黄秋生是第一男主角，如果是这样，也难怪人觉得吕慧仪更像女主角。整部电影，赞的最多的就是黄秋生和吴镇宇跟法拉的兄妹情。法拉有赞的也有弹的，目前来说，赞的居多，吕慧仪就很多观众觉得很型很突出，应该就是原来爱上贼里那种突出法。

Panda_cj

我今天早上也看了这个电影...
可以在这裡分享感想吗？

falafan

我今天早上也看了这个电影...
可以在这裡分享感想吗？
Panda_cj 发表于 2009-8-16 00:32

可以，如果是长篇的话可以单独开个主题帖来分享

vickylove

感觉法拉跟谢天华的感情戏都没被人提起过。。。

falafan

感觉法拉跟谢天华的感情戏都没被人提起过。。。
vickylove 发表于 2009-8-16 00:33

感情戏很少，令人印象不深。感情戏应该没什么发挥，有发挥的地方应该主要是跟吴镇宇在一起的戏份。

vickylove

看来吴镇宇还是很会带戏。。。

falafan

看来吴镇宇还是很会带戏。。。
vickylove 发表于 2009-8-16 00:36

带戏是个原因，最主要的应该还是戏份本身就有发挥的地方，感情戏我看似乎就是很普通的那种拍拖戏份。

falafan

LAUGHING GOR 之變節
網誌分類：未分類 | 網誌日期：2009-08-15 18:45

啱啱睇完「Laughing Gor之變節」，個人抱住一個睇好戲的心態入場，但睇完後就覺得哩套戲有啲「有頭無尾」ga感覺，故事開頭編排都好好，但尾段就有啲劇情過份牽強，好似得個亂字同草草收場ga感覺，真是哂咗一班好戲之人。

故事先由黃秋生飾演的「一哥」帶起，秋生做得型亦交足戲比觀眾。到中段開始就交比另一型男影帝鎮宇所飾演的「座頭」帶起另一段唔同味道ga戲，個人認為可以用一剛一柔來形容兩位性格演員，兩個都交足哂戲，但我就特別鐘意「座頭」同距個妹「Karen」ga感情戲多啲，其實「陳法拉」做戲都幾好呀，努力啦!!!!!。致於主角謝天華「Laughing」就好似配角多啲，發揮普普通通啦，無咩驚喜!!!!

falafan

《Laughing Gor》試闢新路
大公報2009-8-16

邵氏和無線合作的電影《Laughing Gor之變節》周四開始上映。無線自開拍以來已積極宣傳，上映之初更是鋪天蓋地的造勢，比諸台慶節目不遑多讓。這部電影有很重要的歷史使命，因為它不但是雙方合作的第一部片，也是邵氏重新拍片的頭炮，同時亦是由叫好叫座電視劇發展出來的電影，自然希望能叫好叫座。

我也很重視這部電影，因為它的反應（包括票房、口碑等）可能對未來的電影路向有著指標作用。

今次用「重新拍片」來形容邵氏，其實是有點不恰當，因為邵氏雖然自上世紀八十年代淡出影壇，但之後仍有投資開拍電影（如與內地合作的《馬永貞》），又成立大都會電影（先是與無線合資，後由邵氏全資擁有），拍攝一些小成本作品如《無味神探》等，只是沒有如今次的高調，先與無線成立合營公司，然後馬上開工，並快速拍竣推出市場。

當然邵氏和無線的合作，有很多的優勢，除了因為大家關係密切（邵氏是無線股東），而邵氏也已成功將當年影城的「一條龍」經營模式移轉到無線，加上多年來客觀環境如慣性收視和亞視的積弱，造就無線的電視一哥強勢，配合近期網路的助力，無線劇集由《金枝慾孽》、《溏心風暴》、《學警狙擊》至《巾幗梟雄》，在不同媒體的相輔相成之下，製造相當大的社會影響力。

金融海嘯的發生，間接促其成事。無線的齊備資源（台前幕後製作加宣傳一應俱全），加上邵氏在電影製作的豐富經驗，和現成的將軍澳片廠，在大熱的Laughing Gor之下終於結合在一起。

其實這種電影和電視台共同發展的模式，在日本已經運作了一段時間，許多高收視的劇集拍攝劇場版（即電影版）票房大收的協同效應，也有不少先例，如《海猿》、《神探伽利略》等。所以如果今次《Laughing Gor之變節》票房理想，未來我們將可能會見到很多無線劇集的電影版。

崔 曉

xishui

现在基本上是可以下结论了，对普通观众来说，大部分觉得是部好看的电影，对电影爱好者和影评人来说，是部很一般的电影。黄秋生可以算是有赞无弹，其次是吴镇宇，两位名义上的男女主角就或多或少都被人抢了点戏，谢天 ...
falafan 发表于 2009-8-16 00:28

结论基本上就是这样，但黄秋生吕慧仪也有人弹的，只是较少而已，此次男女主角造型，人物角色设计上，真感觉编剧和导演不太用心。甚至连戏份上来说都不是最多的。能有发挥的场口不多。所谓的被抢戏真的也是无可奈何的事

falafan

结论基本上就是这样，但黄秋生吕慧仪也有人弹的，只是较少而已，此次男女主角造型，人物角色设计上，真感觉编剧和导演不太用心。甚至连戏份上来说都不是最多的。能有发挥的场口不多。所谓的被抢戏真的也是无可 ...
xishui 发表于 2009-8-16 09:00

从剧照和Green写的场口来看，我觉得还是给了法拉有发挥的戏份，好像每个场口都可以发挥不同的演技，只是这个角色是个大学生，又是很常见的为了爱情什么都不要的反叛女生，所以，单从角色演技发挥上来看，应该还是法拉的角色能够表现演技的地方更多，但是这种角色不如黑社会大佬的女人令人印象深刻（尤其是在戏份不少和角色够型格的情况下），吕慧仪只要做出很型的感觉就已经演得很成功了，法拉就变化比较大，所以很容易给人感觉演得不稳定和太过刻意的感觉。倒是谢天华，我看就真的是能够发挥的地方不多，也是没办法的事，讲的是年轻版的Laughing，年轻的古惑仔也就那个样，就算电视剧版里的那个性格放到电影里，我看也不够两位影帝的性格抢，电视剧版的还是太TVB了点，这个角色应该重点刻划内心，如果内心戏真的较少那就不应该了，当然，内心戏也是很难突出的，表面的始终是最直接的。只能说，其他三位角色设定太突出，戏份又不少，而男女主角又是比较正常的人物，就算大家演技旗鼓相当，也是那些造型和角色更突出的人更抢戏。

falafan

by Qmepls

又睇左....申報左先,我無睇過"學警"...

首先我覺得套戲應該叫"一哥之變節" 因為描寫一哥既心路歷程比laughing更多更深....成套戲既劇情唔算高潮疊起,因為都好港產黑社會片feel,一講到坐頭錫個妹錫到爆(個妹生日個幕)就知道佢係好人(相對上),緊住就好易知道一哥先係心狠手辣 ....

不過唔緊要,唔係下下要玩估你唔到既(殺人犯??? ),今次睇演員都夠睇,睇一哥同坐頭幾場戲都好好睇,一哥既變化過程好正(可能一路都無變過 ),謝天華既演出都ok la,係秋生同震宇既演出下唔太輸洩,不過導演唔算比好多戲呀laughing,無計!唔.......唔係合拍片,要支持下既...

有樣野要講下,唔關套戲事....可能呀laughing gor太多電視既fans,d師奶可能唔係成日入戲院睇戲,佢地又覺得好似睇緊電視咁,成場戲好多人講野 又講呢樣又講個樣,仲要唔細聲同埋周圍都係咁,大佬呀,呢度唔係你屋企呀

by winning_fans

可以用心睇同用心支持既港產片

如果用低成本短時間製作黎諗, 套野會有90分.  但係當佢係平時冇電視劇BACKUP既電影, 得75分左右.

先講唔好既地方:
1. 謝天華戲唔夠, 明顯唔夠戲表現佢內心世界
2. Laughing同佢女朋友條線唔掂, 完全冇講佢地既感情.  尤其係後面完全覺得Laughing唔係鐘意佢噤樣, 將佢舞黎舞去想整死咩.
3. 黑社會點解一定要用曾志偉做大佬, D衣著又MATCH其他人, 搞到好奇怪囉.  只會令人諗起之前D港片, 失左睇一套新戲既風味
4. 最後槍戰講得有D亂, 係人都係25仔, 仲有太多電視人, 個FEEL唔夠做一套好電影既ENDING.

好既地方仲多:
1. 講一哥既內心戲好好, 仲有個種憎恨感做得好好! 黃秋生真係勁
2. 座頭愛妹做得好真係攞晒分, 成套戲個ENDING比佢一個人既戲蓋過晒.
3. FALA係佢既戲份入面做足100分, 尤其係為左救Laughting要生要死個PART真係做得好, 只係佢個角色本身戲分唔太多.  同埋佢個樣都係太電視, 可能係化妝既問題, 冇電影個種少少蒼桑既真實感.
4. 呂慧儀真係OK, 唔似第一次拍戲既FEEL, 入型入格.
5. 插敍手法用得幾好, 岩岩好CUT入去解釋來龍去脈.  不過本身戲短, 有人會覺得CUT得太快有D亂, 不過我自己就跟到, SO我覺得OK好.
6. 有D位講番一哥同Laughing既"變節"位, 用心去諗下會覺得好正~!
7. 座頭同一哥D對白真係勁正, 好笑得黎又唔係爛GAG.
8. 成套戲流暢而緊湊, 完全冇多餘既位, 反之比人感覺有D短.

個人感想:
有好多位都可以令到自己諗下點解會噤.  中間有D亂, 唔知Laughing係黑定白. 不過睇左其他人既COMMENT, 我覺得因為連佢自己都唔知自己係黑定白, SO導演帶出既既感覺就想我地自己諗下, 佢"個陣時"究竟係幫緊D差佬定係做緊黑社會.

有人提問過, 點解最後一哥會想殺晒佢地, 連Laughing都要殺.  其一係佢唔知Laughing仲信唔信得過, 其二係Laughing想做返警察.  點解我會噤講, 開始冇耐有一PART, 一哥問佢想坐十年定係比人斬開十件, Laughing話兩樣都唔想, 者係話, 佢只有搵番洗SIR, 比晒D料佢同做番警察先可以救到自己.  一哥可能個時已經諗計點樣可以借刀殺人.

另外有一PART, 一哥話"我都幾鐘意做黑社會, 唔洗理人地信唔信自己, 又唔洗話信唔信人" 又成日講"細既有事, 做大佬要撑, 應份既"  其實一哥自從做番警察比人冷眼就已經對人失去信心.  SO, 佢對Laughing好, 只係做大佬既應份, 到一哥自己已經開始唔信Laughing既時候, 跟本就"唔洗話信唔信人", 唔留得係身邊既人殺左佢咪得囉.  而且當Laughing返去搵一哥問佢係咪佢出賣佢個時, 已經證明左Laughing唔再信一哥啦.

仲有一個位我真係好鐘意既, 一定要講, 唔知有冇人留意到,  有一幕閃得好快既:  係一哥係便利店救左Laughing, Laughing好想跟佢, 之後一齊行出去便利店, 係門口岩岩有個警察經過.  唔知大家記唔記得?  我直覺係個導演/編劇想帶出既意思係,  如果個時個軍裝差佬早D到, 係個警察救左梁笑棠, 而唔係一哥, 可能Laughing既命運就唔係噤, 可能佢一早就立志要去做警察, 唔會一開始就做左估惑仔.

打左好耐, 可能太長, 不喜勿插, 都係講下個人感受者, 難得有套好睇既戲, 接電視劇個勢接得幾好, 雖然未係完美, 不過身位香港人, 應該要支持下香港既電影!

by mtng223

你真係寫得好好，支持。我的評分有90分﹕

Pros:
1. 秋生的內心戲一流，有d 眼神同暗笑位反映唔少佢既內心感受
2. Laughing 由一開始經驗不足，到最後個幕變成真正有氣勢的 laughing哥，個轉變做得好好
3. 鎮宇同法拉的感情線做得好好，激動位做得好真。
4. 好多無線演員都做得好好，可能拍電影機會少，個個都好落力演﹕黎耀祥(呢個其實唔使講都知好戲)、黃德斌、李思捷、呂慧儀.......
5. 配樂同剪接出色

Cons:
1. Laughing 同法拉感情線太快，交代得唔夠(其實套戲本身太短)
2. 曾志偉得一個場景拍幾幕，好明顯佢得一日戲，太明顯個隻。佢真係唔夠時間，不如用第二個拍
3. 曾志偉個幕又係食外賣，太似無間道，可唔可以去間餐廳食?
4. 同《學警狙擊》的連接唔太 Match ，警司、wendy、孝哥都有唔同，如果連接得好d 就更加好
5. 雖然我跟到d flashback ，但係如果係個畫面加一d 色系或者效果去代表 flashback ，可能會方便其他觀眾

如果知道邱導演只係用幾個月加低成本就拍到呢種質素的電影，真係服左佢。

falafan

Laughing Gor之變節
網誌分類：人生如戲 | 網誌日期：2009-08-16 03:00

奇怪的一套電影, 又不是很難睇, 但就係唔多掂..
其實睇落不太似一套電影, 反似電視電影, 或電視劇. 節奏及間場根本不似為電影長度而設. 最後一幕工廠打鬥簡直兒戲. 劇本很大問題, 角色造型簡直搞笑, 黃秋生同吳鎮宇簡直像在翻拍甚麼古惑仔, 曾志偉又翻拍無間道, 黃日華角色設定老土到爆, 不過陳法拉寫得不錯.

劇本薄弱猶幸一班高質素支撐大局, 陳法拉頗有驚喜, 兩幕與吳鎮宇的對手劇相當精采. 柴九演出劇力十足, 亳不弱於幾位大牌明星. 謝天華還是差一點點份量, 但合格有餘. 此片還好是邱禮濤, 否則恐怕已是一pat s.......