2008-3-17流感風暴襲「城」陳豪鍾嘉欣中招

falafan

連環中招 全城消毒
陳豪鍾嘉欣流感發燒停工
太陽報17/03/2008

        無綫《溏心風暴之家好月圓》成為流感重災區，劇中台前幕後不少工作人員相繼「中招」，無綫急急宣布停廠進行消毒！
       
        最近流感肆虐，本港不少學童中招，政府急急宣布幼稚園及小學停課。除學校外，近日連電視城亦爆發流感，不少藝人相繼中招，據知正拍攝無綫新劇《溏心風暴之家好月圓》的陳豪、楊怡及鍾嘉欣等亦因病冧廠，《溏心》迅即成為流感重災區，為免病菌繼續傳播，《溏心》宣布停廠，所有外景及廠景全部取消，而《溏心》所用的錄影廠亦要進行徹底消毒！
       
        緋聞男友林峯慰問
       
        記者就此事致電無綫製作資源部總監樂易玲，她直認《溏心》因爆發流感而全面停工：「係呀！其實前一日已經停工，劇入面有幾個藝員冧廠，唔少工作人員都病咗，所以前日決定停廠消毒，其他廠都會消毒，不過首先徹底消毒《溏心》個廠，連冷氣槽同隔塵網都全部清洗。」
       
        至於陳豪及鍾嘉欣直認感冒，陳豪說：「前兩日開始發燒，呢排感冒咁勁，所以我即刻睇醫生。（《溏心》停工？）停一停都好，大家可以休息吓！我哋成日都一班人拍群戲，病菌傳?傳去都唔好。」鍾嘉欣則透露日前發燒屙嘔：「係停咗一日廠，但唔擔心得咁多，惟有小心啲、勤洗手、唔好亂食嘢，病一定要戴口罩。」而楊怡自言並非因感冒冧廠，更揚言「該死唔使病」。
       
        至於「孱仔」林峯未受感染，他笑說：「通常第一個病係我，今次好好彩，冇中招，但前幾日都去咗打流感針。（緋聞女友鍾嘉欣病咗？）我都有慰問佢，停廠消毒係好事，唔會咁易傳染！」

falafan

流感風暴襲「城」陳豪鍾嘉欣中招
東方日報17/03/2008

        近日流感肆虐，除有不少小朋友「中招」，令幼稚園及小學要全面停課外，原來流感早前已在電視城爆發，如陳豪、鍾嘉欣、楊怡等均相繼「冧廠」，由於病菌傳染速度奇快，加上今次《溏心風暴之家好月圓》演員每日開工人數眾多，無綫為保藝人健康，前日下令《溏心》全面停工，外景和廠景均告取消，拍攝中之錄影廠更要作全面消毒。
       
        流感惡襲電視城，劇集《溏心風暴之家好月圓》演員包括陳豪、鍾嘉欣及此劇不少工作人員都「中招」，據知陳豪日前發燒又感冒，鍾嘉欣除發燒外，更又屙又嘔；而楊怡亦感不適病倒，情況令人擔心。由於已有多名劇中演員相繼病倒，《溏心》大前日已停拍廠景，前日更全面停工，不論廠景抑或外景均取消。此外，為免病菌繼續散播，無綫前日已即時將劇集錄影廠進行徹底消毒。
       
        被問到《溏心》前日全面停工一事，無綫製作資源部總監樂易玲承認「停廠」，亦知悉有數位藝員及工作人員相繼病倒：「尋日（15日）其他錄影廠都有消毒，第一個消毒就係《溏心》廠，就連冷氣機隔塵網都換過晒，以免病菌傳嚟傳去。」
       
        又屙又嘔勤啲洗手
       
        至於「病人」陳豪與鍾嘉欣搞笑地齊聲否認乃「流感」源頭，陳豪在電話中坦承日前確曾患上感冒發燒：「我平時好少傷風感冒，但前兩日係開始感冒又發燒，已經即刻去睇醫生，依家已經好番好多。（但《溏心》停工？）停一停都好，大家可以休息下，加上我哋成日都拍群戲，即係成班人拍，病菌傳嚟傳去都唔好。」
       
        至於鍾嘉欣則謂：「我都唔知道喺邊度惹（感冒）返嚟，搞到我發燒兼又屙又嘔，（但流感喺《溏心》爆發？）唔驚！小心啲，勤啲洗手，唔好亂食嘢，病就要戴口罩。」
       
        而楊怡日前亦「冧廠」，但她透露並非患上流感，只是早前拍《勝雪鹽棧》時疲勞過度，才感不適。對於《溏心》演員及工作人員相繼病倒，楊怡就冇有怕：「該死唔使病，唔驚喎，不過我哋為預防流感，成班演員都有食生果、飲多啲湯水增強抵抗力。」
       
        孱仔林峯打預防針
       
        至於向來「孱仔」的林峯今次未受感染，連他亦笑說：「通常第一個病就係我，今次好好彩無『中招』，不過為咗預防，前幾日先去打流感針，仲畀醫生話我遲。（緋聞女友鍾嘉欣病咗？）我知，都有慰問佢。而之前停廠消毒係好事，唔會咁易傳染流感！」

《溏心》停廠消毒，令眾多演員均受影響。（資料圖片）

Sheila

kinda worry about Fala!

take care la!

piscesdream

fala muz take care o ... gambate

wore116050362

fala yao zhuyishenti a  ~~1