2007-8-10完美主義：法拉黃金腳42吋長

falafan

陳法拉扮凌曉雨
機迷好想打1 Round
太陽報10/08/2007
文： Brian

　
        要選近年香港藝能界Cosplay女王，陳法拉認第二冇人敢認第一。扮過甄姬、盜墓者羅拉，最近為PS香港十周年活動揭幕儀式時，她以《鐵拳》女角凌曉雨出現，盡晒PlayStation在港十周年的遊戲主機及遊戲精品，一齊「玩新Game，睇法拉」喇喂！
       
        私底下法拉表示自己本身是標準機迷，最近她以《鐵拳》凌曉雨Cosplay造型出場，雖不及以往性感，但就卡娃伊到爆，相信好多男士都想同佢打番一個Round！
       
        打《鐵拳》 宣洩壓力
       
        不要以為陳法拉Cosplay得個樣，原來法拉本身就真係好鍾意玩格鬥遊戲，尤其係《鐵拳》系列更係佢的心頭好。法拉話「打交遊戲」唔使點學操控，亂按鈕就可打低對手，係宣洩壓力的好方法，而且佢話同「同級對手」（即係大家都唔識出絕招的玩家）更好多時會贏出。揀所扮演的角色時，法拉都有要求，就係要靚仔靚女，唔好係肌肉發達咁核突喎！
       
        上網打 拳拳到肉
       
        講到《鐵拳5》，剛剛在PlayStation Store上面就有一隻《鐵拳5 Resurrection Online》下載購買，比起之前同樣在網上發售的PS3 Online版本，就係多了網上連線對戰功能，打得好的話，更可以在排行榜上名列前茅。同之前單機版一樣，這集Online版同樣用上1,080p高清畫面，角色選擇亦相當之多，既可以用上今次法拉Cosplay的凌曉雨外，連三島仁八都有得揀！
       
        《真．三國》低胸透視甄姬
       
        奠定法拉Cosplay女王地位，這身甄姬Look居功至偉。超低胸透視Deep V、短裙超開衩，何止技驚四座，簡直令在場男攝記幾乎唔記得相機掣！《真．三國無雙》系列又真係冇辜負法拉呢位索爆甄姬，預定喺今年秋季推出嘅PS3 《真．三國無雙5》，暫時公布嘅幾個重要角色如呂布、陸遜、孫尚香等都換晒造型同武器，系統亦會大大改進，加入游水同爬城牆等動作，唔知遊戲版嘅甄姬會唔會同法拉爭妍鬥麗換新Look呢？
       
        珍藏館晒陳年限定版精品
       
        SCEH為慶祝PS香港十周年活動，在粉嶺中心大搞「我們的PlayStation珍藏館」，展出了由九七到○七年，過百件由PlayStation發行限量版遊戲主機、經典遊戲以及遊戲精品等，整個珍藏館佔地1,400平方呎，展示的精品包括有當年連同T恤、波鞋的《GT4》Nike特別版套裝，仲有唔少陳年遊戲限定版，機迷真係要去睇睇。另外，趁八月內的星期六、日，到十個有份參與PS十周年活動的新界商場，可以同專誠由日本飛來的熊貓馬騮影相留念。在珍藏館中之中央位置，大會更樹立一個由遊戲封套砌成的大型「10字」遊戲塔，估得中「彩色巨塔」係由幾多套不同遊戲封面砌成的話，更有機會贏得九月中「東京遊戲展之旅」機票連住宿，親身去朝聖添。
       
        10大入圍遊戲
       
        PlayStation 香港官網早前就搞了一次十年十大遊戲選舉，等網友、玩家齊齊投票選出心目中最經典的遊戲，其結果亦於PS十周年活動開幕禮上公布，十套遊戲分別係《Dance Dance Revolution（DDR）》、《Winning Eleven 10》、《Gran Turismo 4中文版》、《Monster Hunter Portable 2nd》、《鬼武者》、《捉猴啦　百萬猴軍勁爆大出擊》、《EyeToy》、《Ridge Racer 7》、《鐵拳5》及《Final Fantasy VII》。如果畀筆者揀「十年十大遊戲」的話，《真．三國無雙》系列點都會有份入圍，《WE8》或《WE9》入選而唔會係《WE10》，唔知大家又點睇呢？
       
        地點：粉嶺中心
       
        日期：即日至八月二十六日（逢星期六及星期日開放）
       
        查詢網址：http://asia.playstation.com/

法拉着住Cosplay衫介紹PS歷代機種，造型真係好可愛！

大家對比下法拉的Cosplay版跟遊戲版的凌曉雨（Ling Xiaoyu）係咪好似樣呢！



呢個「10」字巨塔，估中它由幾多款遊戲組成，就有機會去東京睇東京遊戲展。

由熊貓少女加熊貓馬騮一同揭曉PlayStation十年十大遊戲入選名單。

falafan

賀軍翔跨海撼本地薑
東方日報10/08/2007

        無綫今年將踏入四十周年台慶，將有連串慶祝活動，首先邀請大導演關錦鵬擔任創作總監，為旗下藝員拍攝08年月曆，除了衝出香港到台灣取景外，還加入過江龍賀軍翔挑戰本地小生。
       
        據知去年無綫邀請泰國班底來港為藝員拍攝月曆，口碑很好，故今年再花心思，希望借助關錦鵬之獨到眼光，重新打造無綫藝員，將藝員推向更高層次。據知早前關錦鵬特地拉隊到台灣睇景，而今次他為無綫拍攝月曆任由無綫開價，並計劃將酬勞全數捐給慈善機構。
       
        重演經典場面
       
        就此求證關錦鵬，他承認與無綫製作資源副總監樂易玲相識多年，故此答允無綫之邀請，他透露月曆主題大方向已定，為配合無綫四十周年台慶，將會在月曆中展望將來，並重演一些經典劇集場面，如在無綫民初街之上海灘景中取景，亦會在無綫將軍澳電視廣播城之後山搭景，並會到台灣拍攝其中四個月之月曆，現正有待無綫落實演員名單，才會開會研究各演員之造型。
       

（左起）黃德斌、陳法拉、黃宗澤及黃長發在無綫07月曆，盡顯活力。

falafan

完美主義：法拉黃金腳42吋長
蘋果日報2007-8-10

        黃金分割一詞，大家不覺陌生，但用於腿上，這數學玩意似乎有點新穎。向來自信的性感女神陳法拉，擁有一雙42吋長美腿，她話主要靠做運動和做機纖形。既然咁有自信，不如就量度一下她的腿是否合乎黃金比例啦！
       
        記者：郭佩韻
        攝影：林鈞
        Hair：Ling@salon id
       
        超有性格
       
        車中之霸有法拉利，美腿之后也有法拉陳，2005年華裔小姐亞軍，在《溏心風暴》中扮演17歲女生，原以為她為人帶點稚氣，但經過訪問後，才知她很有性格。法拉每次出場都愛穿背心加短裙或短褲騷美腿，今次預先為她度好一連串甫士，她卻堅持擺出法拉式姿勢，繼續以她認為最佳的角度盡現美腿。
       
        搽遮瑕怕曬親腳
       
        法拉笑言自己大頭蝦成日整傷腳：「我好多時行路都會跌親，早排趕去做嘢時，不慎跌傷咗個膝蓋，好彩無疤痕。平時我會用遮瑕膏遮腳上傷痕，出街就要為對腳搽SPF 50度防曬霜，咁就唔怕曬傷。」成日行行企企，少不免會有水腫，法拉會以控制飲食去減水腫：「我食好多salad，如青瓜蟹肉salad，仲有多飲豬骨湯水和做yoga，可以促進血液循環同減水腫。」
       
        修腿靠做機
       
        如果雙腳太疲累，法拉會即刻做機舒緩兼纖形。「我屋企有部OSIM Squeez美腿魔法師，可以幫助血液循環，包住隻腳震震吓好似按摩咁，每日震30至60分鐘，對腳好快會纖瘦咗。」
       
        法拉護腿3式
       
        收後腿曲線
        雙腿直立，雙手垂下，上身盡量向前傾至膝蓋後側有繃緊感覺。膝蓋不可屈曲，可手持1-3公斤重啞鈴。左右腳重複10-20次。
       
        瘦大腿
        直立，雙手交叉置腦後，挺起胸膛，一邊吸氣，一邊把身體往下壓，腳踝不可離地，呼氣再向上站起。重複動作24次。
       
        收緊大腿內側
        側躺地上，右手托頭，左腳屈曲右腳伸直。收緊大腿內側，右腳慢慢往上提並維持3-5秒。左右重複動作20次。
       
        黃金比例值

        自然界裹，物體形狀的比例提供了在勻稱和協調上一種美感的參考。在數學上，這個比例稱為黃金分割。人體的黃金分割是以肚臍為分割點，下半身軀幹（腳底至肚臍）與整體身高的比值應為0.618:1。台灣肥胖研究學會認為，從美學角度上，大腿圍（最粗部份）跟身高的比值應是0.32:1，小腿圍（後肌凸出部份）0.21:1不過不是人人都能符合黃金比例，一般東方人的腿長大約只有0.518至0.60左右比值。

       
       
       

       

       

       

chris

陈法拉好靓啊!

funnyshow

very very beautiful~~~!!!!!!!!!!!!!!!!!!!!!!!!!!!!!!!!

falafan

3樓補充遺漏新聞。

宁欣相羲

法拉真的是太可爱了。。。。。

zhitao

支持法拉...................

p.y

好羡慕法拉,,好中意

最爱FaLa

法拉的标准与美学很相近

huhu2090

几乎完美的比例啊~~~~