2007-7-18親切的法拉＆陳法拉上網有路

falafan

親切的法拉
太陽報18/07/2007

        新一代性感女神陳法拉喺鎂光燈前顛倒眾生，舉手投足散發誘人魅力。廣告商瞄準法拉得天獨厚嘅特質，重金禮聘佢拍廣告同做商場騷，更有傳佢脫毛一口價三十萬，身價幾何級上升！
       
        日捱夜捱變大頭蝦
       
        不過成名係要付出代價嘅！法拉日做夜做，又要拍劇，又要拍廣告，真係忙到失暈，最陰功係佢平均每日瞓得兩粒鐘，鏡頭後嘅佢真係啞子食黃連！
       
        正所謂人離鄉賤，法拉從美國飄洋過海，隻身來港發展，起居飲食完全DIY，只不過佢性格大頭蝦，真係擔心死阿媽。話說有一次佢拍完劇，仲要抽時間接受訪問，影相時咪睇佢「叮」一聲，當堂Sharp晒，點知影完相後成個人即時謝晒。
       
        臨走時法拉更大頭蝦到連衫都唔記得攞，有記者話問佢喺邊，諗住攞番啲衫畀佢，但法拉相當識做，識得自己去搵番記者，認真唔話得！通常啲星紅咗就唔認得人，但係法拉依然冇變，抵佢紅嘅！

我靚！我性感！但我更加溫柔！

falafan

陳法拉上網有路　掃港日韓花衫
東方日報18/07/2007

        上網購物並非新玩意，之不過香港實在太方便，行兩步就乜都買到，所以網上購物一直難成主流。但隨着近年競投網站爭相出現，帶起Bid貨熱潮，網上尋寶執筍嘢已變成潮流先鋒的指定動作。性感女神陳法拉的E-Shopping經驗多到爆燈，事關小妮子在外國長大，上網購物已是她的生活習慣，搵佢帶隊上網掃貨，人選極啱！
       
        撰文：鄭志基  攝影：何子豐
       
        查詢電話：2522 1227
       
        上網執筍嘢
       
        咪睇法拉拍電視劇講廣東話講得咁正，其實她自小在中國成都錦江西區長大，直至中三那年，才移民美國，國語和英文才是她的母語。在美國生活多年的法拉，漸漸養成了網上購物的習慣。「其實中學時已經習慣上網買嘢，嗰時主要係上網買書睇，例如中文書，因為外國唔似得香港咁方便，乜都有；衣服都係上網買嘅，雖然依家喺香港工作，不過仍然會Keep住上網尋寶，搜購一啲香港冇嘅靚衫，同時又可以減低撞衫機會，一舉兩得！」
       
        法拉醒你上網購物貼士
       
        1.首先要留意貨物本身的尺碼及剪裁，並清楚知道自己所穿的尺寸，以免買了回來衣不稱身。
       
        2.留意購物時所用的貨幣面值。
       
        3.留意不同地方所需要的運費及運抵時間。
       
        4.可以集合朋友於同一網站購物，以減省運費，用較低成本購買心水貨品。
       
        5.留意交易方法，如以信用卡繳費或是Paypal購物時，應選擇大規模的購物網比較安全。
       
        土炮59 Seconds OL實Buy

        59 Seconds由來自世界頂級時裝界的靈感集結而成，對象是時下年輕一族和新世代事業女性，這個土炮品牌的設計強調易於配搭，讓不同品味的女性都能夠塑造自我型格。
       
        韓國Coxy優雅見稱

        來自韓國的Coxy，時裝風格優雅，顏色奪目，手工細緻，連身裙及荷葉領上衣都是重點推介。
       
        日本Ryu Ryu衫款多元化

        2000年成立的日本著名郵購網站Ryu Ryu，出品均是日本最時尚的流行服飾，而且種類多元化，由可愛、淑女、高貴以至野性風格俱備。

最愛Floral Print
「好鍾意一些Floral Print的吊帶裙，因為覺得比較適合自己年紀；亦愛好一些民族味服飾，Casual Wear如T恤、牛仔褲，就着得人最舒服！」
59 Seconds藍色Floral Print吊帶裙$272

Nabi白色喱士上衣$482

Looksup白粉紅黑色背心$295

59 Seconds白金色波點高踭鞋$190

59 Seconds白色蝴蝶露趾高踭鞋$434

Iravin卡其色洗水牛仔短褲$272

59 Seconds洗水牛仔短褲$218

falafan

汗，第一張圖片合成加工的就:yc15

zhitao

第1张图片不行啊....

意意

第一張....我那个汗丫

chris

张张都好靓............

Fiona

第一张，偶滴妈呀~~，比较恐怖，就算是亲切的法拉也没必要弄个亲切的金子海报来合成吧。oMG