2007-7-1回歸十年 與祖國更親近 眾星祝香港繼續向前衝！

falafan

回歸十年 與祖國更親近 眾星祝香港繼續向前衝！（節選）
文匯報2007-7-1

        今天是香港回歸祖國十周年的大日子，回首過去十年，香港雖經歷了多次嚴峻考驗，包括亞洲金融風暴、沙士疫症等，然而在祖國的大力支持和港人同心合力下，憑著香港人的堅忍精神，本港經濟得以強勁復甦，人人心情歡暢。而娛樂界是社會的一扇窗，最快速透視出社會的繁榮和興衰。香港的演藝界在過去的十年也面對不少問題，幸好有內地龐大市場的支撐，兩地優勢互補下，無論是影、視製作，廣告、音樂製作合作愈來愈多，經濟收益漸入佳境，娛樂事業前景樂觀。
       
        今天是香港回歸祖國的大日子，一眾演藝紅星如陳慧琳、容祖兒、楊千嬅、黃宗澤、陳法拉、陳豪等均親手寫下他們對回歸的感受和真誠的祝福，千嬅那句「十年人事幾艱辛，人前人後更真心」好精警；陳鍵鋒繪畫的一幅畫，真誠地表達了自己愛國意識的轉變，由97前從未想過要親近祖國，到07年很想多些了解祖國。眾星都希望香港的未來日子，在祖國的支持下香港會繼續繁榮安定！兩地的演藝、娛樂事業更百花齊放！

        陳法拉：

        呢十年裡面香港各方面都好有進步，我都希望香港將來更民主更開放，一路保持住亞洲金融中心既位置。

falafan

藝人談97-07年最滿意及最失敗的事
八星喜與憂：陳法拉「選美多姿采」
蘋果日報2007-7-1

        「我一生中最後悔嘅事係我拍《溏心風暴》嗰時，爺爺病得好嚴重，當時我拍緊劇冇時間打電話畀佢，一星期後佢已經唔喺度，我真係好後悔冇打畀佢，雖然爺爺喺內地，唔係一齊住，但係大家感情好好。最滿意就係參加選美，加入TVB，人生有好大轉變，之前我係諗住喺美國讀完書，打份工做marketing，後來突然選美，生活變得多姿多采。」

最爱FaLa

幅画FaLa自己画架?

情人全方位心理測驗 陳法拉聽天由命桃花劫
太陽報 01/07/2007

        混沌初開，神創造天地萬物，但到了星期日，祂休息了。因為以後每個星期日都有《星Game》，等大家將一個星期以來，日日做到嘔的壓力掃走，記住，逢星期日與娛圈眾星齊齊玩吓、輕鬆吓，見到人就講句：「I remember this, you will play！大家一齊玩鋪勁嘅！」
       
        心理測驗 01
       
        1.整唔見情人送嘅戒指，你會覺得……
       
        a.擺明係個天暗示我哋唔係一對。（答第2題）
       
        b.都係自己衰，唔小心，冇鬼用！（答第4題）
       
       
        2.你有冇試過同某人有種似曾相識嘅感覺？
       
        a.有！（答第5題）
       
        b.冇！（答第3題）
       
       
        3.你會因為見到某個明星，咁啱佢係你鍾意嘅類型，因而個心卜卜跳？
       
        a.會嘅！（答第5題）
       
        b.梗係唔會。（答第6題）
        　
       
        4.對於鍾意嘅戲，你會否睇好多次仍然覺得好感動？
       
        a.會o架！（答第7題）
       
        b.唔會喎！（答第8題）
        　
       
        5.見到鍾意嘅嘢，即使個樣唔係必需品，你仍然會買佢返屋企嗎？
       
        a.我會。（答第4題）
       
        b.我唔會。（答第6題）
        　
       
        6.你認為自己嘅預感靈嗎？
       
        a.好靈。（答第11題）
       
        b.唔靈。（答第9題）

       
        7.你鍾意一個人，通常因為咩原因？
       
        a.對方外形。（答第10題）
       
        b.雙方合得來。（答第11題）
        　
       
        8.你會羨慕邊一種情侶？
       
        a.從來唔嗌交嘅。（答第7題）
       
        b.見唔到面，都一定會通電話嘅。（答第9題）
       
       
        9.行街撞見舊同學，你會點諗？
       
        a.肯定係緣分嘅安排。（答第10題）
       
        b.咁啱得咁蹺，冇特別。（答第12題）
       
       
        10.以下邊件事會令你覺得冥冥中係有主宰？
       
        a. 同對方同月同日生。（答第13題）
       
        b. 曾經喺外地遇見嘅異性，突然又撞番。（答第15題）
       
       
        11.你想唔想遇到心有靈犀嘅戀人？
       
        a. 想呀！（答第13題）
       
        b. 唔使預我。（答第15題）
        　
       
        12.你覺得點樣先可以同夢中情人相遇？
       
        a. 聽天由命。（C型）
       
        b. 靠自己製造機會。（D型）
       
       
        13.你會否認為相信命中注定嘅人，一定係悲劇收場？
       
        a. 係  ！（A型）
       
        b. 唔係！（答第14題）
       
       
        14.你認為人生就係為咗同有緣人相遇，就算到頭來失戀，都係一段值得回味嘅回憶。
       
        a. 係  ！（B型）
       
        b. 我唔覺得係！（答第12題）
       
        　
        15.同自己鍾意嘅人拍拖後，你會……
       
        a. 成日心不在焉，神不守舍。（答第14題）
       
        b. 乜嘢事都要同對方一齊做。（C型）
       
        解說！
       
        A型　笨情人
       
        你中毒太深，遇到你以為是真命天子的人便會瞓晒身，醒醒喇！笨情人。
       
        B型　多情人
       
        當你發現所愛非人，你會認命，到有新暗戀對象出現，你又會話命運安排，你談戀愛與失戀的機會都比人多。
       
        C型　重情人
       
        你有了心上人後，再不會望其他異性一眼，沒有狂蜂浪蝶能打爛你的專一招牌。
       
        D型　絕情人
       
        你討厭浪漫背後的虛偽，不向世俗認輸，若不走出絕情谷，難望有拖拍。

        多情陳法拉
       
        1→4→7→11→13→14 = B型
       
        評語：同分析有少少出入，我唔係一個易墮入愛河嘅人。

        心理測驗 02
       
        如果此生只可結一次婚，以下那項是你認為婚禮上必需要的？
       
        A.重要賓客到齊
       
        B.花海
       
        C.十層大蛋糕
       
        D.用氣球砌成的拱門
       
        解說！
        A 你做事有魄力，充滿自信，工作上無往不利。你對決定堅持到底，能承擔後果。你口才了得，能講服麻煩友，有難題搵你出面一定掂。
       
        B 圍在你身邊的人雖不及你醒目，但你主動扶弱，你只想與人分享。你慷慨大方，永遠有一批人圍在你身邊，令你從來不覺得孤單。
       
        C 你與心上人總是撻極唔着，其他人早就放棄，你卻一意孤行，你享受這種為愛付出的自虐，所謂「人善天不欺」，你最後仍會得到幸福。
       
        D 你思想天真，對別人的說話皆信以為真，要到蝕底了幾次，才會學精。你充滿好奇心，愛冒險，朋友在你身上可以發掘到活力，這是你的過人之處。

falafan

原帖由 最爱FaLa 于 2007-7-1 19:26 发表
幅画FaLa自己画架?

哈哈，是呀。

Ive-jin

法拉很乖~~  他的爷爷会为她骄傲的~！