2010-12-19深情對話：法拉：唔使咁快做視后

falafan

深情對話：法拉：唔使咁快做視后
東方日報2010-12-19

隨着無綫台慶頒獎禮圓滿落幕，各獎項亦已塵埃落定，視帝后人選當然令人關注，但其實最佳男女配角一樣競爭激烈！麥長青（麥包）入行廿三年，首奪「最佳男配角」，他坦言最開心的莫過於獲得一班同事的認同；事業、愛情兩得意的陳法拉先後兩奪「最佳女配角」，實力已被肯定，卻未想太快便做「最佳女主角」。且看兩人娓娓剖白得獎前的艱辛路，其實，獎項只是他們的錦上添花；在兩人的演藝路上，早有真正欣賞他們的人默默陪伴，一步步向着更高的目標進發。

麥包與法拉在今屆台慶頒獎禮上勇奪最佳男女配角。

記：記者　法：法拉

記：攞咗兩次「最佳女配角」，係咪企穩實力派？

法：係企穩咗女配角！實力派係一條好長嘅路，演技係無止境，我仲有好多地方可以進步，好似睇《巾幗梟雄之義海豪情》，廣東話仲可以好啲。

記：今次同07年攞有乜唔同？

法：其實每次睇自己亦要睇對手，小紅姐（惠英紅）、定欣（胡定欣）都好好，但邊個好唔係演員可以控制。上次攞係初入行冇耐，識嘅人唔多，今次攞獎啲同事就爭住嚟攬，個個都好開心，識耐咗大家感情深厚咗，對「陳法拉」嘅了解亦加深咗，見到好朋友咁支持自己，所以感動到喊。

陳法拉笑言不想太快成為視后，並希望被發掘擔任不同的角色。

新劇擔正有壓力

記：《誘情轉駁》擔正有冇壓力？

法：有壓力，怕收視低係因為我，又怕自己未得住，以往唔諗收視，《義海》另有主角，唔關自己事，所以希望《誘情轉駁》收視穩定，唔好差過聖誕、新年同期嘅劇就得。

記：下個目標係視后？

法：唔需要咁快，呢啲好睇個角色，可以慢少少嘅。

記：選美出身，特別努力洗脫花瓶之名？

法：冇喎，我都希望自己靚，有演技都可以靚架，實力派唔一定唔靚，佘詩曼、張曼玉、蔡少芬呢啲好演員都係選美出身。

記：點樣由性感女神走向實力派？

法：演員好被動，「晴晴」（《義海豪情》中的角色）係添哥搵我，唔係我揀，可能之前我做過性感角色，觀眾代入咗法拉係咁嘅人。我都想被發掘做唔同類型嘅嘢，唔想被限制。

陳法拉認為家庭與事業兩者同樣重要。

感情事業分得清

記：感情穩定有助專心事業？

法：我一向分得好清，以前讀書拍拖失戀都唔會傷心影響讀書，好清楚唔會畀私生活影響工作，每個人都要有社會責任，收五點通告，發生咩事我都要五點鐘返工，觀眾要睇嘅係我嘅戲，唔係我私生活。

記：家庭、事業邊樣重要啲？

法：就好似瞓覺同食飯，兩樣都重要，要識分配時間，唔好瞓住食飯。

記：公開戀情有冇影響事業？

法：唔係影響，係騷擾，我唔鍾意被騷擾，唔講就不斷被猜測，宣傳又講晒私人生活，工作咁辛苦提都唔提吓，我已經盡量唔講，但香港傳媒好得意。

記：仲未習慣？

法：仲未慣成日要喺床上食飯囉！

麥包：演戲都係搵飯食

記：記者 麥：麥包

記：之前一直你都話冇諗過要得到咩獎項，依家真係獲頒「最佳男配角」，感覺如何？

麥：原來真係好開心架！原本我哋成班都坐喺度玩緊，當頒完女配角後，我個心開始跳，播廣告時，自己即猛諗，如果中我要講乜？但諗極諗唔到，太緊張喇！然後坐喺附近嘅郭政鴻、陳山聰都不斷問我攞獎會講乜，我同佢哋講，一時之間諗唔到，嗰陣個腦真係一片空白，最後馬國明叫我cool down，唔好諗，跟住宣布時，我好似「飲醉酒」咁，完全空白，之後同啲傳媒做訪問仲覺得胃痛。

記：你入行廿幾年，今次獲獎，會唔會覺得可以鼓勵後輩繼續努力？

麥：其實得到一班同行、同事嘅認同，比得獎仲要開心得多，嗰一刻真係預計唔到，好想更多演員可以感受到呢樣嘢，自己咁多年真係冇白費，而且呢個獎唔單只令自己得到認同，亦鼓勵好多師弟，唔好話後輩，其實好多師兄好似李成昌、李國麟、陳國邦、黃智賢、郭政鴻咁，佢哋演戲都好認真。

為拍好劇推job

記：得獎後，有冇一啲實際嘅得着，例如搵真銀嘅機會？

麥：工作方面的確多咗，不過因為依家我都趕拍緊《紫禁驚雷》，所以計埋大陸嘅job，都推咗二、三十個，有時間我都想做，我做咁多都係搵食、求財啫！由頭到尾都想靠演戲搵飯食，想安定咗頭家先，不過都係嗰句，無TVB就無我。不過依家就連一啲團體，都邀請我出席佢哋嘅講座，希望我將自己嘅經歷，好似點樣同家人相處、多年嚟點樣捱過咁，同大家分享。

記：會否希望再有機會同監製李添勝合作？

麥：唔敢奢望，呢啲都要講緣分，我入行廿三年，同添哥合作唔超過五次，都係等公司安排啦！

記：之前《巾幗梟雄之義海豪情》攞唔到「最佳劇集」會唔會唔開心？

麥：真係可惜，因為劇組無論台前幕後所有人都盡心盡力，如果攞埋真係會完美得多！

人人有份爭

每年無綫台慶頒獎禮中「最佳男、女主角」獎競爭最為激烈，但其實不過是十隻手指數得晒的幾位小生、花旦之爭；反觀「最佳男、女配角」，能夠參與競爭的範圍更廣更闊，過去曾得「配角獎」的包括夏雨、湯盈盈（05年）；黃德斌、楊思琦（06年）；阮兆祥、陳法拉（07年）；黎耀祥、楊怡（08年）及謝天華、謝雪心（09年），各式各樣的演員都可染指這個獎項，其實「配角」之間的競爭更加激烈！

採訪：影視組

攝影：司徒國榮、沈健程

場地：Azure

服裝：Dior

髮型：Ling Chow@Private i

falafan

準備頒獎禮戰衣
基仔贊助靚衫祖兒嫌棄
蘋果日報2010-12-19

容祖兒、古巨基、蔡卓妍和陳偉霆等前晚齊齊出席 Yahoo頒獎禮。當晚基仔穿上自家服裝，並力銷可贊助歌手頒獎禮歌衫當賣廣告，祖兒卻直言只會平日穿，似乎嫌棄基仔靚衫難登大舞台。

眾人氣歌星和藝員前晚到灣仔會展出席「 Yahoo！搜尋人氣大獎 2010」頒獎禮，容祖兒、周秀娜、古巨基、蔡卓妍（ Sa）、陳偉霆（ William）、陳法拉和韓國男星金賢重等均有現身，場面熱鬧。祖兒、基仔和阿 Sa各得三獎；憑 chok樣出位的林峯則得兩個半獎包括搜尋人氣大獎—電視男藝員，但他因在內地拍劇未能出席；台灣幫楊丞琳則有兩獎，其中一個是亞洲最具號召力台灣女藝人。

（左起）李添勝率《義海豪情》演員陳法拉、麥包和黃浩然領搜尋人氣大獎—電視劇集。

阿 Sa見陳偉霆家長

阿 Sa得到亞洲最具號召力香港女藝人，而 William的《穿心箭》成搜尋人氣 MV之一，兩人前後腳現身頒獎禮，未有合照。阿 Sa否認刻意避開，並聲稱不介意和男友一同出現，問覺得是否因當日離婚和拍拖引來不少人在網上搜尋而增加人氣得獎？阿 Sa說：「都可以冇興趣唔 search，我通常都係搵旅遊地方，冇得去睇吓都好。」她表示看看聖誕或新年能否和 William出埠放假，記者指農曆年應互相拜訪家長，阿 Sa說：「呢啲有時間就會做。」似是暗示已拜會男友家長。

祖兒：最多平時着

基仔其中一個獎項是搜尋人氣大獎—本地男歌手，有傳英皇在無綫加碼賣廣告為祖兒爭獎，他對此謂只在意自家品牌服裝可否賣廣告，基仔又表示可贊助其他歌星穿他的服裝亮相當宣傳。至於祖兒則得到搜尋人氣大獎—本地女歌手，她透露已準備頒獎禮戰衣，記者即指基仔可贊助，祖兒聞言笑說：「唔制，我要度身訂做，最多平時着，其實我之前喺法國已買咗啲衫。」

鄧紫棋（ G.E.M.）的緋聞男友林宥嘉竟傳出和蘇打綠的青峰有斷背情，她戰戰兢兢說：「佢唔會鍾意男仔啩。」

採訪：李珮洳

攝影：黃文成

falafan

娛圈 360： 2010微博大事
蘋果日報2010-12-19

2010年是微博之年，微博與娛圈建立了密不可分的關係，彼此在這瞬息萬變的年代互相制衡、互相利用。就如黃日華以孤身之力，對抗社會不平；梁詠琪被橫行河蟹強姦言論自由，但讓更多年輕人關注政治；唐貝詩因一己愚昧慘成眾矢之的，卻讓更多人真心關懷小動物。微博微博，微小之力影響博大矣。　撰文：蘇芬妮

？

微博訂情

大 S網上傳情得米

微博可衝破性別界限、年齡差異、地域阻隔，可摧毀一段姻緣，亦可譜出傳奇戀曲。恨嫁恨到發燒的大 S徐熙媛，月前邂逅中國富二代、「俏江南」執行董事汪小菲，兩人透過微博往來的綿綿情話訂情，交往半個月便私訂終身，是現代愛情故事的典範。最妙是「大小戀」見光不死，男方更在微博公告，跟舊愛張雨綺狠斬情絲，彼此再無任何瓜葛，乾淨利落。

微博愚行

唐貝詩玩盆景貓惹禍

微博訊息一「發佈」不可收拾，亂噏搞 gag亦要懂分寸。寇鴻萍 21歲大女唐貝詩擺明唔識驚，今年 5月在微博上載盆景貓照片，仲懶 cute寫道：「養盆景貓，不會再唔見。」疑似鼓吹虐貓留言辣㷫全城，藝人、道德之士聯同愛護動物團體群插狼狽詩，連三唔識七、路過的都要補她兩刀。難為阿媽開聲求饒，唐貝詩仍唔服氣喊寃遭網上欺凌。事件擾攘多時，最終由網民自製「盆景詩」照片洩憤而告一段落。

微博噴火

黃日華插無綫洩不滿

明星平日受屈有寃無路訴，微博成為發洩平台，草草幾筆吐口悶氣，最低限度有人撐。陳法拉在《義海豪情》與黃浩然的悶爆談情戲份被刪，翌日即在微博發難，連添哥都買佢怕；黃日華不滿台慶劇《刑警》慘遭無綫打壓，在微博噴火寸爆 TVB「 Totally Very Bad」，火燄焚燒電視城。

不過出氣還出氣，引發罵戰就好難收科。就如阿嬌不滿好友化妝師 Johnathan遭 Yumiko化妝師男友 Andy辭退，力排眾議在微博聲援 Johnathan，最終搞出大頭佛，阿嬌、阿嬌 fans、甚至何韻詩前助手展開隔空罵戰，手口不停。

微博花名

王菲煙韌稱呼冧爆

明星崇尚 V字認證，以堅貨為傲，但也有用化名橫行網絡掩人耳目。王菲是後者，既泥足深陷微博陷阱，又怕天后身份被識穿，故選用網名「 veggieg」，以為上微博神不知鬼不覺，點知一樣被 fans秒破。王菲老公李亞鵬本用化名「一號立井」混迹，但又自貼女兒李嫣照片，當然逃不過 fans法眼。底已起，兩夫婦要在微博打情罵俏，惟有用暱稱─王菲稱老公為「哈蜜瓜」，李則呼老婆做「 Lady瓜瓜」，好 sweet啫。不過最正當然係 Angelababy啦！稱呼男友黃曉明做海綿蛋糕（曉明大哥諧音），搞到戀情都「黃」埋！

微博含寃

張栢芝硬食一棍悽慘

撇除敏感話題，微博近乎冇王管，雖可暢所欲言，但亦會捲進是非。早前有網民以「王菲─ veggieg」在王菲過氣情敵栢芝的微博留言，硬屈栢芝與某化妝師有景轟，擺明造謠生事，結果觸發 fans罵戰，禍及真身。張衞健更慘，某日失驚無神留言稱患末期胃癌要退出娛圈，後發現原來是黑客搗亂。最受委屈莫過於魏駿傑，日前發生微博留言喪鬧舊愛滕麗名賤人風波，他要搬埋妻女，發毒誓力證清白。

微博照片

雷頌德鋪 B相晒幸福

微博已成為明星們的私家貼圖區，其中大家見得最多最膩，不外乎以下三類：子女、素顏、寵物照。從前藝人帶子女出街，最怕子女容貌被攝入鏡。踏入微博年代，藝人反過來自動獻身，不停將 BB照鋪上網，跟 fans、好友分享喜悅。就如日前，鄺文珣、雷頌德太太及傅珮嘉先後在微博連環發相，看看誰家 B仔最 cute。

微博招兵

何超雲孔雀開屏仔

何家淑女身嬌肉貴，亦難抗微博誘惑，間中與心儀明星玩文字遊戲訴心聲，何其快哉！早前超雲與皮草太子爺甩拖，便透過微博連環招兵，先與周柏豪隔空慰相思，後約張致恒睇演唱會。超蓮則自爆迷戀肌肉型男，飛佛台星吳克羣，不時連結對方 MV勁 hard sell，睇見眼寃。

微博之星

發帖數目顯示人氣

關注明星前要三思，雖可窺探偶像近況，亦要忍受無聊留言，尤其中微博毒的，早午晚為你滙報行蹤，比報時信號還要準時。微博的發帖次數，可間接反映該明星現實到底有幾忙，斷估劉華、朝偉不會在拍戲中途拿 iPhone出來㩒㩒㩒啩？

明星發帖：伍詠薇　次數： 3,663

明星發帖：杜汶澤　次數： 3,607

明星發帖：何韻詩　次數： 3,399

明星發帖：周柏豪　次數： 2,413

明星發帖：楊千嬅　次數： 2,235

明星發帖：梁詠琪　次數： 2,191

明星發帖：蔡卓妍　次數： 1,659

明星發帖：余文樂　次數： 1,523

明星發帖：薛凱琪　次數： 1,443

明星發帖：鍾欣桐　次數： 1,262

明星發帖：譚詠麟　次數： 1,095

明星發帖：周秀娜　次數： 679

明星發帖：古巨基　次數： 512

明星發帖：郭富城　次數： 343

微博字典

潮語風行創意無限

微博世界的 140字限制框不住無窮無盡的創意，隨着微博風行，催生大批新潮語，以下這些微博詞彙，大家又懂得幾多？

潮語：【盆友】　意思：朋友

潮語：【給力】　意思：使人振奮

潮語：【雞凍】　意思：激動

潮語：【鴨梨】　意思：壓力

潮語：【稀飯】　意思：喜歡

潮語：【萌】　意思：可愛

潮語：【童鞋】　意思：同學

潮語：【圍脖】　意思：微博

潮語：【神馬】　意思：甚麼

潮語：【灰常】　意思：非常

falafan

占

falafan

占

wangzilin

記：選美出身，特別努力洗脫花瓶之名？

法：冇喎，我都希望自己靚，有演技都可以靚架，實力派唔一定唔靚，佘詩曼、張曼玉、蔡少芬呢啲好演員都係選美出身。


tvb  我最喜欢的的三个，要是能合作一部戏的话（俺就痴心妄想吧）

294575546

法拉升呢了.回答更成熟了

falafan

記：點樣由性感女神走向實力派？
法：演員好被動，「晴晴」（《義海豪情》中的角色）係添哥搵我，唔係我揀，可能之前我做過性感角色，觀眾代入咗法拉係咁嘅人。我都想被發掘做唔同類型嘅嘢，唔想被限制。

演什么角色是被动的，但有些毫无必要的戏份拍的时候提一下意见也是可以的。不想被限制就要学会拒绝某些无必要的戏份，不想又不拒绝人家就会一直找你演那样的戏份，就算是各种不同类型的角色也照样能够安排。作为演员，你是演到不同类型角色了，但只要有一点那样的戏份，观众就会那样看你，拍戏拍给谁看的？

陳法拉在《義海豪情》與黃浩然的悶爆談情戲份被刪，翌日即在微博發難，連添哥都買佢怕；黃日華不滿台慶劇《刑警》慘遭無綫打壓，在微博噴火寸爆 TVB「 Totally Very Bad」，火燄焚燒電視城。

苹果不说，差点忘记了法拉原来是最早在微博喷火的，那三个why？why？why？好有火力。

wangzilin

原来FBI才是喷火始祖

why？why？why？ 火力十足
======================================

那样无谓的镜头，她也不拒绝下，弄的监制编剧啥的，都以为她不在乎，白拍谁不拍啊，都找法拉来拍了。
这样的镜头完全可以拒绝的，监制编剧导演也逼迫不了

恋恋hebe

記：感情穩定有助專心事業？

法：我一向分得好清，以前讀書拍拖失戀都唔會傷心影響讀書，好清楚唔會畀私生活影響工作，每個人都要有社會責任，收五點通告，發生咩事我都要五點鐘返工，觀眾要睇嘅係我嘅戲，唔係我私生活。



記：家庭、事業邊樣重要啲？

法：就好似瞓覺同食飯，兩樣都重要，要識分配時間，唔好瞓住食飯。

最中意她这点

yfnice

加油 法拉,拿最佳女主角是遲早的事```

Jessica

多想她能拒绝下，成日因为这样被人摆上枱……但是拒绝会否被人唱衰？>"<||真系烦恼～

falafan

Jessica 发表于 2010-12-19 14:28
多想她能拒绝下，成日因为这样被人摆上枱……但是拒绝会否被人唱衰？>"

如果早一点拒绝会好一些，现在拒绝的话，如果碰上的不是讲道理的编导或监制，那可能人家会觉得你耍大牌了，然后传来传去可能影响恶劣。当然，我认为做到编导和监制级别的幕后人士大部分应该还是讲道理的，尤其是大家合作多了后，演员有自己的想法应该会理解。

wangzilin

哎，我看咱FBI是不会拒绝了  咱也不能怪 编剧监制导演的，白给的谁不要啊，都得拍，当嘘头  尤其是荃加福禄寿那个访问，我是监制啥的，看到FBI这么说，那以后就放心大胆的拍她了，反正她也“无所谓”

法拉 怎么还没有新剧的消息明年  剧集这块 势头又没了

falafan

回复 霖峰 的帖子

是的，法拉都有一部分原因，算是自找的。
新剧消息我也想知道，法拉自己肯定知道，人家不说也没办法，谁叫她是FBI，只有等报纸杂志或其他艺人说合作对手了。

wangzilin

咱FBI问啥都得说不知道，相当有职业操守，国际组织该每年颁个奖状给她

话说 拳王 有没有可能

阿兜阿兜

三国本来挺靠谱的一下又换角传闻
福禄寿本来就是打酱油的居多
其他巡礼的剧更加没消息
难道明年真的只有一部女拳？？！！
那后年呢，今年不挤时间拍一拍更没得看了
法拉时间宝贵啊TVB大人见少拍少拉

Yy_crazy 粉丝报道

法拉什么都说不知道~
真的是用炸弹都炸不開法拉的口~

falafan

霖峰 发表于 2010-12-19 16:04
咱FBI问啥都得说不知道，相当有职业操守，国际组织该每年颁个奖状给她

话说 拳王 有没有可能:p ...

其实我一直觉得拳王可能性蛮大的，因为法拉刚好拍完罗永贤的女拳，可能合作愉快，一早就跟法拉说好了下部剧找她。目前3月份已知的3部剧也就这个还没出过新闻。

cusa2005

falafan 发表于 2010-12-19 16:25
其实我一直觉得拳王可能性蛮大的，因为法拉刚好拍完罗永贤的女拳，可能合作愉快，一早就跟法拉说好了下部 ...

有消息说法拉3月会接戏嘛？