|
[壹週刊 第1079期]橫財就手：高人發功 馬浚偉中(6)(合)(彩)
2010年11月11日
香港人發夢都想中(6)(合)(彩)，估唔到馬浚偉（馬仔）可以話中就中。得高人指點招財的他，單單在九月份的收入，便等同一年拍劇酬勞，財氣逼人來，馬仔趁住行好運，在十月廿六日正日生日買(6)(合)(彩)，即中三獎，心情當堂靚爆。
忍唔到笑添。（設計對白）
餐餐闊佬
上週五（十一月五日），晨早八點返電視城開工的馬浚偉，因落雨關係等多過拍，見雨勢越落越大，導演索性提早十二點放食飯，馬仔即刻攞銀包，請幕後人員到西餐廳開餐。
食足一個鐘，心情大好的馬仔零舍開胃，歎完午飯再叫多杯咖啡外賣，之後搶住埋單，同枱導演多謝馬仔「做老細」，他開心表示：「呢啲機會好難得，我都希望可以請你食多幾餐。」
闊佬請客，原來同馬仔中(6)(合)(彩)有關。「自從生日中咗(6)(合)(彩)之後，馬仔心情靚到爆，前排輪住同班朋友慶祝，佢都爭住埋單，餐餐起碼一千幾百，其實佢只係中三獎，獎金得四萬幾蚊，食飯去玩，一早使突，不過佢話呢啲係 luck嚟，想同多啲人分享，希望大家都沾染啲好運。」工作人員透露。
好朋友送給馬仔的夾萬有兩個鎖，據他在微博所講，夾萬越大越好，咁樣先可以賺多啲錢。
中獎後，馬仔經常做波士爭埋單，上週五就請同事到西餐廳食飯。
拍落雨談情戲，馬浚偉忍笑跟龔嘉欣邊行邊講。
tvb.com人氣榜上，近日馬浚偉爆冷贏林峯。
夾萬藏金
忽然行好運，原來全靠高人指點。據了解，馬仔早前結識了一位高人，教他在家添置夾萬，裡面再放一塊金鼠牌，但切記財不可露眼，夾萬一定要收埋隱蔽地方。
馬仔照足指示去做，更在生日前，買定張(6)(合)(彩)，再放入好朋友送給他的大夾萬內，果然天降橫財俾壽星仔。
「其實馬仔都無上心，係佢好好朋友不斷催佢對號碼，點知攞出嚟睇，見到中咗五個字，馬仔話自己成個人呆咗，根本好難相信係事實，佢仲叫朋友幫眼對多一次，因為張(6)(合)(彩)係朋友送嘅，所以分咗一半獎金俾對方。個高人仲同馬仔講，十一月之後，會陸續有好嘢發生，今年又有機會買到樓，所以馬仔近排心情超好。」知情者說。
有運自然人氣升，馬仔近日更打低六嬸以十二真言硬撐的林峯，高據 tvb.com藝人排行榜首位，加上有影帝鄭則士出口力撐好戲，早應該攞獎，入行十七年，馬仔終於有運行。
早前無綫台慶亮燈儀式，馬浚偉企（左邊）第一排第六位（老闆六叔計起），林峯則企在右邊第四，可知受重視程度。
鄭則士跟馬仔跟合作後，二人變為好友，近日更開口撐他演技好。
生日當天，鄭則士跟一班演員替他慶祝，還送了一個大口仔蛋糕給他預祝攞視帝。
跟鍾嘉欣、陳法拉合作孭飛的電視劇《蒲松齡》，雖然在世界盃期間播映，不過未有影響成績，收視率有四十點。
去年跟鍾嘉欣合作《老友狗狗》，電視劇未開拍前，馬仔特登去曬燈令膚色變色扮鄉下仔。
財源廣進
除咗馬浚偉，圈中唔少藝人都好有橫財命，荷包脹卜卜之餘，連帶事業、愛情都通行無阻，認真時來運到。
佘詩曼 視后大熱佘詩曼旺氣沒法擋，連續兩年在「台慶送大禮」環節中獎。首先在 08年中三獎得 2萬 5千現金， 09年升呢中二獎，獲 20萬獎金獎品。行運一條龍的阿佘，更被封為 TVB吸金王， 08年以 1,200萬高據藝員收入龍虎榜榜首， 09年再以 1,500萬冧庄。據悉她今年頭十個月收入，已超越去年紀錄，難怪佢話睇到存摺識笑。
張栢芝 03年春節期間，張栢芝到美國拉斯維加斯登台，順便去賭場見識，竟在玩百家樂枱贏得港幣 60多萬。彩運旺，但同年栢芝與霆鋒、王菲三角關係糾纏不清，直到 06年才與霆鋒復合結婚再生多兩個寶貝仔，成為幸福女人。
陳淑芬 先後中過 3T同(6)(合)(彩)的陳淑芬，一向有橫財命。 06年試過抽中一部平治同兩部法拉利電單車，去年和草蜢、欣宜等赴美國拉斯維加斯賭城演出，又贏得一部由酒店送出的 Bentley房車。雖然左軚車香港唔揸得，但轉讓後有 300萬港幣落袋，認真恨死隔籬。
撰文、攝影：娛樂組 | 
狗仔卡
发表于 2010-11-10 21:29:16
显身卡
发表于 2010-11-10 22:35:32
发表于 2010-11-11 15:27:15
想想我的预测真准，一个角色入围一个，谁让法拉今年角色多，又都是大制作
发表于 2010-11-11 16:19:52
千脑提供附件上传 不限文件类型，不限制文件大小(自拍、原创图片建议使用“图片”上传,可批量上传)