|
[Face週刊 第177期]有戲睇：心姐鬧足雯女 9頁紙 爆《義海》鬧交金句
2010年10月13日
上年《巾幗梟雄》高收，柴九一句「人生有幾多個十年」成為經典金句。今年《巾幗梟雄之義海豪情》下週一（ 18日）首播。 雖然監製李添勝、編審張華標講明劇力夠唔會有金句，不過劇中鬥戲連場都有好多鬧交金句。首週以雯女大戰心姐最激，喺第四集已鬧足三場，第五集仲激到鬧足九頁紙。拍足 6個鐘，鬧交鬧到口水乾，連心姐都話：「我同雯女鬧交鬧到發冷！要攞暖水袋呀！」 《義海豪情》下週一（ 18日）首播，但未上先轟動，網民已不斷討論有咩金句同高潮位。唔使等下星期，本刊率先爆首週以雯女大戰心姐最激，心姐更率先爆金句：「搶錢搶地位搶功勞搶風頭，係你嘅要搶，唔係你嘅都要搶……」
劇中雯女亦正亦邪，剛烈嘅人物角色造就佢見人就鬧，其中陰招搶銀行，仲大聲夾惡話：「呢啲唔係陰謀，係陽謀。」顛倒黑白。
頭 5集，講雯女點樣喺家族生意中同心姐、黃智賢等人搶地盤，建立強悍女強人形象。
心姐第 1集已經睇雯女唔順眼，第 4集開波，佢話：「我同佢由頭鬧交鬧到尾。」
第 1集 九妹（鄧萃雯飾）為搶奪銀行控制權，出陰招指住胡老闆（劉江飾）理論。
第 3集 必睇第 3集，排骨（敖嘉年飾）被誤會打死軍爺個仔，最後更被軍爺用槍指嚇，敖嘉年話：「嗰場戲喊咗 4個鐘，喊到雙眼腫晒！」 排骨以為會被軍爺打死，死前向劉醒多謝。
第 5集 第五集劉醒（黎耀祥飾）篤爆梁非凡（麥包飾）落格，鄭九妹即刻話： G排骨以為會被軍爺打死，死前向劉醒多謝。
「鬧得好爽」
該場戲講飾演鄭朗喜嘅心姐，走入侄女鄭九妹（鄧萃雯飾）房，叫九妹唔好同細佬少傑（張松枝飾）爭煙館（賣鴉片）話事權，心姐即爆金句鬧得好爽，連佢自己都覺得正，佢話：「呢個角色好爽直，我可以有乜講乜，邊個都鬧得好爽！除咗嗰句，我仲成日講：『義字係點寫，忍字係點寫 o架，係有把刀插住個心』。」
心姐首週唔只狂鬧人，喺第五集尾場仲有九頁紙大龍鳳。劇情講心姐踢爆雯女假仁假義，搞到黎耀祥、麥包、雯女和心姐四角大戰。心姐話呢場戲由夜晚 12點拍到第二朝 6點先收工。佢話：「嗰場戲拍咗 6個鐘，我哋盡量想一 take過，唔想剪，我同雯女鬧到㷫晒，但拍完即刻覺得好凍，鬧到發冷！要攞暖水袋呀！」
問祥仔邊場好睇，佢話：「場場都好吸引，爭視帝？我諗林峯、陳豪大機會囉，我 fans冇人咁多。」
胡定欣喺《義》劇飾演馬麗華，九妹好友個女，佢話：「我今次唔使勾引男人，淨係做衰女包！」
首週必睇位
除心姐雯女大戰好睇，首週亦有唔少必睇位，雯女喺第一集諗計做銀行話事人之後，亦要為細佬報仇而殺人。而敖嘉年飾演嘅排骨仔亦搶戲，劇中飾演懦弱青年嘅佢，累劉醒（黎耀祥）中唔到白鴿票，喺第三集又被誤會打死軍爺（岳華飾）個仔，而差啲累死劉醒同佢自己。 戲中奸角唔只心姐，仲有麥包，佢係劇中飾演警長梁非凡，食兄弟夾棍兼勾義嫂。連麥包自己都話：「頭五集會見到我食夾棍，之後又會搞劉醒老婆。最後仲做埋漢奸。總之就仆×啦！」激到咁，唔睇冇話題呀！
90歲皺皮雯 首集雯女以 90歲 look出場，戴假髮之餘仲要黐膠水落面化老妝，佢話：「拍咗 5、 6日，有日要上妝十幾個鐘，搞到塊面一條條紋。」
第一集倒敍講電視台邀請曾見證抗日嘅九婆婆（鄧萃雯）去到昔日廣州亂葬崗，實則拍攝地點就係藍田石礦場。
敖嘉年 齊齊爆老妝︰女人化老妝就怕傷皮膚，男人就易好多，搽番少少粉，帶副眼鏡同埋染白個髮已經搞掂。
黃浩然
首週爆出
奸佬麥包 麥包飾演梁非凡，除咗食黎耀祥夾棍，仲溝埋佢老婆江美儀，佢話：「我直頭係仆×，之後再做漢奸，套劇出街預咗俾人話乞人憎。」
喊包嘉年 敖嘉年今次飾演排骨，全程做懦弱仔，佢話：「原先決定我由好人變壞人，但拍拍吓添哥覺得我全程好人吸引啲，我個角色基本上係喊包。」
採訪、撰文：娛樂組 攝影：鄭明川 | 
狗仔卡
发表于 2010-8-21 17:54:30
显身卡
发表于 2010-8-25 21:58:41
发表于 2010-8-25 22:07:35
千脑提供附件上传 不限文件类型，不限制文件大小(自拍、原创图片建议使用“图片”上传,可批量上传)