|
封面：夾老公聽耶穌 陳法拉惡鬥佛癡奶奶
2011年01月26日
28歲陳法拉早於 08年同 32歲 Neway大少薛世恆於美國秘密結婚，兩人近年亦唔介意孖住現身，公開薛太名分只係遲早問題。
兩公婆 sweet到漏，上週五更拍住拖現身鄧萃雯主講的佈道會，齊齊聽九姑娘講見證。鬼妹仔法拉有意拉埋老公做神的兒女，但據知奶奶卻是虔誠佛教徒，對於乖仔同新抱唔跟自己信佛頗有微言，但倔強法拉亦非常有原則，堅持自己都有宗教自由。
法拉為信主唔怕得罪奶奶，有性格喎。
上週五（ 21日），身為虔誠基督徒的鄧萃雯於屯門一間中學舉行佈道會分享女人心經。當晚八時半左右，素顏的法拉突然帶埋老公薛世恆現身，更孖住坐前排第二行，兩人入座前亦有同在場教友打招呼，明顯唔係第一次出席教會活動。
[img][/img] 21/1扮親善 陳法拉同大少薛世恆初時狂避鏡頭，記者行近大少時，大少即望實記者質問：「你邊位？」但兩人後來避無可避，法拉先變臉扮 nice，果然係出爐「最佳女配角」！ [img][/img] 一見到記者，素顏法拉即時本能地以手遮面，更嘴藐藐對住記者，表現唔耐煩。 [img][/img] 晒戒指 手持教會利是封及年曆的法拉同大少，分別露出手上的戒指，但兩隻並非同款，法拉薛太身份唔使多講啦！ 捧姊妹場 雯女上週五出席佈道會，即使地點遠在屯門，仍吸引法拉夫婦及何傲兒等其他圈中人捧場。 [img][/img] 08年秘密註冊後，法拉帶老公返公司見高層樂易玲，承認已為人妻。 [img][/img] 法拉週一（ 24日）在微博話自己身處外地，仲為「大日子」作好準備，唔通係講緊同大少嘅結婚周年紀念日？ [img][/img]
薛大少認乖仔
當晚九姑娘於台上向觀眾分享見證，講到自己曾經歷人生低潮時，法拉不時挨向大少身邊咬耳仔，而大少亦有作出回應，二人頭貼頭表現恩愛。其間九姑娘帶頭領唱聖詩，法拉和大少亦照做企身跟住唱，相當投入。直至佈道會後段，有男教友問在場有冇男士唔講粗口，大少更即時舉手，氹得身旁的法拉笑晒口。
場內聽得開心，二人散場時一見到記者，即時黑面拒絕回應，更九秒九跑上大少公司名下的七人車極速離開。
薛老太吳惠容信奉嘅佛教團體「國際創價學會」（小圖）由日本人創辦，現任會長池田大作曾到中國傳教，獲鄧小平、江澤民等前國家領導人接見。本週六、日會在機場博覽館舉行「 50th Anniversary of Soka Gakkai」，薛老太都會參加。
[img][/img] [img][/img] 薛老太：正一頂趾鞋！（設計對白） 雯女認對愛飢渴
自細被親生父母交畀爺爺嫲嫲湊大的鄧萃雯，在佈道會上分享自己的經歷，其間更講到眼濕濕。
「我四年班開始煮晒成家人嘅飯，放學要去街市買埋餸先返屋企！同學嘅家長覺得我冇正常家庭，唔係好學生，實會帶壞佢哋啲仔女！」細細個已被歧視，雯女亦提到愛情方面唔順利，「我對愛係好飢渴，渴到對方都驚咗我！不過我其實係一個好自卑嘅人，所以一覺得段關係有問題，我就會自己閃走，唔會等對方開聲撇我！」唔介意揭開肚皮畀人睇，其他「偽人」真係要向雯女好好學習！
渴到驚咗我！（真實對白） 雯女自爆初入 TVB時，套套劇做主角都係得 6千蚊月薪，佢話「我當時有 7個字形容自己：我好紅，但我好窮！」 [img][/img] 因合作《義海豪情》而熟絡，法拉專程帶埋老公入屯門捧雯女場，相當有心。
唔埋奶奶堆
信主都要咁避忌，原來一心想做基督徒的法拉，同篤信佛教的奶奶有宗教衝突，婆媳間中亦因此有磨擦；反而二少準老婆諸葛梓岐則好識做，與未來奶奶成日傾佛偈，成功靠佛埋堆，閒時亦會相約外出，反而已入門的法拉與奶奶硬係大纜扯唔埋，薛老太對初歸新抱法拉甚有隔膜。
「其實法拉早期都試過氹薛老太開心，有時仲會整兩味畀兩老食，但薛老太硬係唔多受落佢，搞到法拉都幾灰心。」與其長期屈就，性格法拉不如回復真我。
「薛家上下都係香港國際創價學會會員（源自日本佛教團體），薛老太（大少母親吳惠容）梗係想個仔都信埋，點知法拉成日捉咗大少聽耶穌，搞到佢有啲唔高興。上年薛世恆嫲嫲過身，都係用佛教儀式舉行喪禮，好多會員都有去唸經超渡。而薛老太亦經常同班佛教徒聚會，今個星期六、日個 50周年會慶仲會表演添！」知情人士透露。
唔認入教
明知奶奶係虔誠佛教徒，法拉雖然有性格，但亦唔敢高調同奶奶作對。上週六（ 22日）法拉宣傳電影《我愛香港》時，唔肯回應是否夾老公信主，「我係專程去撐九姑娘 o架！（係咪特登帶埋老公去聽道理？）私人嘢唔答喇。」聽耶穌變撐同事，但法拉俾雯女踢爆其實一早對基督教有興趣。佈道會後，九姑娘便回應本刊：「今日咁多同事嚟支持我，我好感動呀！（係咪因為拍《巾幗》同法拉熟絡咗，所以叫佢同埋薛生一齊嚟？）唔係，佢哋自己話要嚟！其實法拉之前都話想出席藝人之家嘅活動。」
連奶奶堆都夠膽唔埋，法拉夠勇！
識做諸葛 VS性格法拉
擺佛像 明知薛老太信佛，諸葛梓岐投其所好，從佢上載微博嘅生活照發現，諸葛屋企放有佛像，證明信佛唔係得個講字。
陪飲茶 諸葛一得閒就做廿四孝女友，同 Neway二少男友薛嘉麟（左一）陪未來老爺奶奶飲茶。《忽然 1周》圖片
買豪宅 二少已向諸葛求婚，兩人近月四出睇豪宅，最後以公司名義買入九肚山寶柏苑二期，市值 4千萬，而愛巢亦住近奶奶位於皓朗山莊的獨立屋。
晒婚戒 即將入門的諸葛，近排出席活動時手上都戴有一隻 4卡鑽戒（小圖），據知係二少送畀佢嘅訂婚戒指。 [img][/img] 玩自閉 唔鍾意 social嘅法拉，一收工即刻返回九龍塘畢架山愛巢，甚少出席薛家家庭聚會。 [img][/img] 捧老婆 大少雖然失勢，但仍泵水開唱片公司星煥國際，做幕後隱形老細捧老婆做歌星，而法拉亦升呢做埋事頭婆。
連環駁火
[img][/img] 法拉同諸葛呢對「妯娌」一向唔多啱 key，二人由跟薛家大細少拍拖鬥到齊齊嫁入薛家，總之唔係你死就係我亡。
09年 2月 藐爆諸葛 薛家舉行喪禮，被週刊大肆報道，有人懷疑諸葛放料，陳法拉回應：「我唔 comment呢個人！」藐爆諸葛梓岐。 [img][/img] 《蘋果日報》圖片
10年 1月 互當透明 法拉同諸葛做商場騷同場表現疏離，寧願黐住唔熟絡的林莉，有心病連戲都懶得交，諸葛主動出擊話自己新年會去薛家拜年。
10年 2月 寸唔孝順 有雜誌爆法拉同薛大少秘密註冊結婚，諸葛即話如果自己結婚一定唔會秘密，仲話唔敢嗌佢大嫂，驚叫老法拉。又強調一定會去薛家拜年，暗寸法拉唔孝順，「祝佢幸福快樂！呢件係開心事，總之要尊重老人家！」
11年 1月 暗寸亂嚟 諸葛公主出席公開活動時再發功：「我未結婚，大家放心啦，我唔會亂來。」似暗寸秘密結婚的法拉。
採訪、撰文、攝影：娛樂組 | 
狗仔卡
发表于 2011-1-26 00:25:50
显身卡
发表于 2011-1-26 00:41:20
发表于 2011-1-26 02:31:03
咩意思
千脑提供附件上传 不限文件类型，不限制文件大小(自拍、原创图片建议使用“图片”上传,可批量上传)