2007-8-21港男前騷Quali Do姐翠翠善用女色

falafan

港男前騷Quali
Do姐翠翠善用女色
太陽報21/08/2007

        無綫早前舉行的《香港先生選舉》雖以肌肉男做賣點，不過當晚女評判及女嘉賓均施展渾身解數，務求脫穎而出。今次請來形象化妝師陳　而評選當晚最Sharp的女藝人，當中以曬得一身古銅色肌膚的葉翠翠及穿上艷麗花裙的鄭裕玲（DoDo姐）最搶鏡，着得得體又夠潮。肌男鬥美女，果然有睇頭。
       
        搶眼之星

        鄭裕玲 調皮突破
       
        「DoDo姐當晚着咗一條花裙，好調皮，嚟緊嘅Trend就係興碎花，所以佢變得好Fashion，其實DoDo姐嘅化妝都係佢平日一貫鍾意嘅化妝，鮮色紅唇膏，可以話冇乜特別，但成件事加埋起上嚟，佢就變得好後生，整體好有突破。」
       
        陳法拉 高貴性感
       
        「佢個晚打扮都幾靚，法拉身形比較瘦削，個晚着咗一條絲絨裙，質料比較厚，望落去成個人圓潤咗好多，加上個妝幾Sharp，我覺得佢比平日高貴好多，好有電力，係Feminine嘅性感。」
       
        伍詠薇 風騷入骨
       
        「佢當晚嘅打扮喺咩Age都會被吸引，女性化得嚟好瑪麗蓮夢露風情，無論髮型、化妝、裙都襯到絕，係有備而來，就連舉止、神情都風騷入骨，好正。」
       
        葉翠翠 優雅得體
       
        「佢件晚裝淺色有Details，好莊重，加上佢皮膚曬成古銅色，Elegant又有陽光氣息，但佢只係用簡單髮型、乾淨化妝，所以冇畀人老積感覺，呢個打扮係依家韓國一級女星嘅打扮，好似李英愛咁，好優雅。」
       
        失手一族

        曹敏莉 自暴其短
       
        「佢嗰晚Overdressed咗，懷舊打扮似係40年代，咁嘅打扮雙腳要好長，但佢嘅身形比較圓、膊頭橫，成個人成熟咗，如果想個Look一致，應該加頭飾同頸鏈，依家佢變成頭好現代，下身就好懷舊。」
       
        李蘢怡 似足落D
       
        「佢嘅髮型同身上戴嘅Accessories令佢面長、身長，其實佢呢身打扮係啱去Disco ，去呢個場合絕對唔有型。」
       
        向海嵐 紅髮闊太
       
        「佢早排染紅咗啲頭髮，靚咗好多，不過嗰晚就跌Watt，黑白晚裝望落去令人覺得佢個胸低咗好多，嗰串首飾唔係好襯，白色珠鏈應該會好啲，而髮型又令佢塊面變得好長，成個打扮有啲養尊處優阿太Feel，佢應該係現代女性嚟o架！」
       
        應屆港姐 過分花巧
       
        「佢哋着嘅衫都有金屬感覺，Cutting冇問題，啱晒四位身形，好似冠軍咁，佢細粒啲，着高腰裙令到雙腳長啲，亞軍就着迷你裙，凸顯佢修長嘅身形，季軍好有 Model Style，而何傲兒嘅下圍較大，就搵件深色裙包住，但因為啲衫咁花巧，佢哋嘅髮型太多Details，太多首飾，鞋亦唔使咁花巧，化妝可以化Smoky Eyes同較Glossy嘅妝。」

Mr猪

FALA的笑容真的很迷人~

zhitao

身材迷人,  笑容也迷人哈

最爱FaLa

法拉那晚的打扮很不错