查看: 1791|回复: 31

[访问] 2010-8-10陳法拉首次公開第三度加工 [复制链接]

falafan

法院长

阿T

Rank: 9 Rank: 9 Rank: 9

威望: 4313
法币: 193875
最后登录: 2022-1-25
注册时间: 2007-3-1
帖子: 34546
积分: 123637
UID: 3

电梯直达

1 楼主

发表于 2010-8-11 12:00:18 |只看该作者 |倒序浏览

点此访问法拉TVB Blog

陳法拉首次公開　第三度加工
蘋果日報2010年08月10日

無論樣貌定身材，都被人視為完美的陳法拉，早前秘密接受第三度加工，今日首度公開。究竟有咩唔同？她微笑不語，到她張開口大笑才見到端倪，原來是戴了透明牙箍！已三度箍牙的她，達成未了的心願，從此可以擘大口放聲笑餐飽。

記者：吳允冲

攝影：楊錦文（陳法拉）、陳陶鈞（ Makeup）

Makeup: Annie G. Chan

Wardrobe: tout a coup

■做過兩次鋼牙妹，法拉話用隱形牙箍箍牙舒服得多。

鋼牙少女

由參選國際華裔小姐開始，直到成為花旦，陳法拉的美貌一直備受認同，雖然無相為證，但原來她中學時亦有一段 Ugly Betty的日子，鋼牙可謂伴着成長，「我本身牙齒咬合唔好，下排牙齒向入，所以 12歲開始就箍牙，是傳統鋼線牙箍。」之後突然長出智慧齒需要剝牙，便拆除牙箍，到第二次戴上，中途又要選華裔小姐，一次又一次將鋼牙拆掉。直到最近，才再次接受牙齒矯正療程，戴上的隱形牙箍，這第三次接觸，她自言好舒服，「以前貼鋼會令到嘴唇凸出，初初箍時直情完全食唔到嘢，用隱形牙箍就對飲食完全無影響，好開心。我日日 Keep住戴，完全無影響拍劇，除咗拍大頭 Shot時會除牙箍，平日講對白都無問題。」

■箍牙後自信笑容返晒嚟，法拉：「揀男友，一定要牙靚，同埋要無口臭！」

箍唔完手尾長

屢箍未成的法拉，牙齒有中線移位的問題，因她第一次箍牙時剝了一隻牙，其後又未能完成療程，位置未拉好，令牙齒有偏向左邊的問題，雖然牙齒不是完美，但她從不介意，自言最愛大笑，「身邊好多人笑時有好多顧忌，我不嬲都開朗，唔會諗棚牙，一定笑咗先，唔會刻意遮住。」牙形不算整齊，但她平日護牙絕不鬆懈，「我好鍾意食甜嘢，尤其是朱古力蛋糕，所以我隨身帶住牙刷，食完嘢就刷牙或漱口，飲菊花茶、汽水時一定用飲管。愛護牙齒唔單止要箍牙令牙形整齊，顏色、質地都要留意。其實箍牙唔止為咗靚，亦對牙齒健康好重要，好似我有一隻門牙本身歪咗，撞到下面隻牙有裂紋，到老年會爛、會壞，箍牙可以避免這問題。牙齒跟着我一世，我一定會好好 Take Care。」

唔做白姐姐

做藝人，無論唱歌拍劇，牙齒都好重要。原來法拉剛簽約唱片公司，正籌備處女唱片，近日亦在烈日下埋首與劉璇、黃宗澤拍新劇《女拳》，「呢排好熱，出外景好辛苦。《女拳》是民初背景，講述幾個女強人，點樣在男人當道的社會中，用自己方法爭取權力的故事。」每日在烈日下暴曬，思想阿 Q的她雖會搽美白用品，但對膚色不是很着緊，「皮膚黑就會顯得牙更白，你睇黑人就知啦！」

美國 invisalign隱形牙箍

矯齒療程採用 3D電腦技術度身訂做，並以醫學用的透明塑膠製造，只要每兩星期自行更換新一副隱形牙箍，它便會逐漸地移動你的牙齒，直至把牙齒矯正整齊。療程收費因個別情況及牙醫而異，較傳統金屬矯齒療程貴約 30%。