|
台慶頒獎禮之最佳男主角篇 溏心父子爭視帝戰情激烈
夏雨堅拒埋堆 林峯滿腹委屈
蘋果日報2008-11-09
62歲的夏雨跟29歲的林峯，都是周六（15日）舉行的無綫台慶《萬千星輝頒獎典禮》視帝大熱人選，兩個不同年代的小生，同樣憑《溏心風暴之家好月圓》一劇，在台慶頒獎禮中一較高低，爭奪最佳男主角及我最喜愛的電視男角色。不過，經歷了去年大熱倒灶事件，夏雨明白到世事無絕對的道理，所以對攞獎夏雨揚言是有信心但沒把握，但他就表明不會為攞獎而主動跟高層埋堆。至於入行10年的林峯，面對資歷比自己多30年的夏雨，心情難免緊張，他只希望盡量做到順其自然，不要想太多，他說：「正因為有太多變數，諗太多嘢會影響情緒，所以最好唔好諗。」
近日夏雨不論到那裏去，也會聽到街坊同事說「支持你」或「你攞硬」諸如此類的鼓勵說話，既然行內行外一致睇好他能成功憑《溏心風暴之家好月圓》中Jo飽甘泰祖一角，勇奪視帝獎座，夏雨今次攞獎信心理應會隨之而大增，但夏雨日前接受訪問時卻笑道：「一向有信心，但絕對冇把握，因為我已經盡所有能力去交卷，o依家係評審去評分，就算請高層食飯都改變唔到佢哋嘅諗法。」
為林峯說好話
問會否效法林峯邀請無綫高層飯局打好關係？夏雨即耍手擰頭說：「邊度係我嘅性格！唔通我打電話畀陳志雲同佢講，我想請你食飯，做乜請食飯？冇呀，我……我……我想講攞獎嘅嘢。大佬呀，你殺咗我都講唔出啦！所以我亦唔相信林峯會咁做，佢同高層食飯可能有第二啲嘢傾，為咗食飯而改變戰果，我唔信。」
難道多年來也不曾主動跟高層聯絡感情，亦即是所謂埋堆？夏雨理直氣壯說：「咁多年嚟邊有做呢啲嘢！我至多咪埋劉家豪堆，佢最鍾意用我，不過，我覺得唔埋堆係吃虧啲嘅。」
人人皆認為Jo飽夏雨勝券在握，但究竟夏雨可曾想過自己有可能大熱倒灶？夏雨想了一會說：「今年攞唔到，心情會平靜過舊年，因為舊年以為實有，就算冇呢個獎都會有第二個獎（指最佳男主角及我最喜愛電視男角色），其實呢個世界唔係理所當然，而呢個亦係遊戲最有趣地方。」
自知失敗原因
夏雨不諱言，有時劇本好演員好，劇集不一定大收，相反，有時以為某部劇唔收得，結果卻大收旺場，正所謂人算不如天算，最佳實例，莫過於月前到北京睇奧運的經歷，他說：「我好鍾意睇奧運，幾經辛苦撲到張飛，點知上機當日8號風球，搵到人車我去機場，結果原先搭嗰班機唔開，左撲右撲買到第二班機嘅機票，上埋機，諗住卒之搞得掂，點知到最後班機都係取消……你已經做晒所有嘢，到最後都係唔得，你冇得怨天尤人。所以，如果今年真係攞唔到，一啲都唔奇怪，有邊個敢講自己一定得！」
夏雨去年憑《溏心風暴》一劇，同樣有份角逐最佳男主角及我最喜愛電視男角色，但可惜空手而回，兩獎均落在演出同一劇集的陳豪手上，問夏雨有沒有掉過一滴淚？夏雨說：「冇，只係好失落，大家都做得咁好，個個有獎攞，係得我冇，總係有個原因，你咪諗係乜原因。」為此夏雨把自己關在家中足足兩日去思考，終於給他想通，並得出了一個結論，但結論是甚麼，夏雨堅拒透露。
《溏心風暴之家好月圓》還未推出，已經有傳聞指無綫為造就林峯攞視帝而加重他的戲份，究竟戲份多是否一定有幫助？夏雨說：「絕對有，個個演員都係等一個好機會，但場場戲都出（指有份），都要寫到你有嗰啲戲先有用，你睇陳法拉，之前俾人鬧到體無完膚，又話佢姣又話佢唔識做戲，但今次又讚佢靚又當佢係女神，楊怡同陳法拉最顯著。我覺得林峯個管家仔角色有好多好嘅元素喺度，但個角色慘在太完美，一到大事件就梗係荷媽李司棋出嚟披荊斬棘，係荷媽解決，唔係管家仔撐，咁咪變咗唔到唔到咁囉。」
在《家好月圓》飾演父子的夏雨和林峯，鬥戲鬥到戲外。劇照
讀報練急口令
縱橫演藝界40年，夏雨除演技精湛外，更有一項能人所不能的絕世好武功，就連星爺周星馳也甘拜下風，向夏雨偷師，那就是念急口令，當年夏雨在《歡樂今宵》扮演的經典趣劇人物阿煩，最叫人印象深刻。
談到這身好武功，夏雨笑言絕非一朝一夕：「我係一個比較性急嘅人，講說話好急，讀中一嗰陣，老師要我哋讀報紙，日日讀，讀咗幾年，變成日子有功，我都有同陳志雲講，訓練班啲學員訓練時可以讀報紙訓練，跟住做《歡樂今宵》，去到現場冇人救你，要自己執生，逼自己習慣，累積起上嚟咪練到有呢種絕世武功！就算o依家我睇電視、睇《歡樂滿東華》咁，我都會不期然口噏噏同字幕鬥快，陳小姐500、黃先生1000──睇電視都咁，你話我係咪傻。」
撰文：戴彩煥 | 
狗仔卡
发表于 2008-11-9 11:06:32
收藏
顶
踩
提升卡
置顶卡
沉默卡
喧嚣卡
变色卡
显身卡
发表于 2008-11-9 12:56:33
千脑提供附件上传 不限文件类型，不限制文件大小(自拍、原创图片建议使用“图片”上传,可批量上传)