2008-2-23法拉展紅圖朱茵黑天鵝色心起

falafan

女星鬥玩Colour Contrast
法拉展紅圖朱茵黑天鵝色心起
太陽報23/02/2008
文： 陳專

        紅與黑，除了是文學題材，亦是穿衣的學問所在。紅色，處理得宜，有玫瑰之艷；黑色，拿捏得準，具奪魄之姿！問題在於大部分人都只停留於「半紅不黑」的層次，只有少數人可以駕馭這兩股極熱與極冷之色！
        
        陳法拉
        
        陳法拉好知道自己嘅優點，佢揀呢條裙好聰明，腰間嘅紅色圖案同上身白色形成強烈對比，令上身顯得更豐滿，腰變得更Slim，而且佢着得好自信，令成個感覺加分！
        
        
        
        朱茵
        
        朱茵呢身黑白灰，唔會令人覺得單調，反而簡約中有種卡通化嘅感覺，可能佢本身得天獨厚，個樣好後生，加埋天鵝圖案就好襯佢，令成個Look都好舒服，好有Eye Catching，又唔過分，係咁多個之中最Good！
        
        
        
        徐熙媛 Fit爆演繹
        
        徐熙媛（大Ｓ）身形Keep得OK，就算呢件衫好難着，但佢一樣着得好好，呢件衫着得唔好嘅話，手臂位、腰位加加埋埋畀人嘅感覺會好似個波咁，但佢完全冇呢方面嘅問題。
        
        
        
        楊千嬅 露膊出位
        
        千嬅膊頭唔夠橫，好多衫都「浪」唔起，呢件入膊衫已經好好，幫到千嬅冇膊頭呢個缺點，令千嬅睇起上嚟膊頭橫着！
        
        
       傅穎 唐裝唔Out
        
        傅穎呢一身紅色中式衫襯牛仔褲，處理得唔錯，佢聰明嘅地方係知道擺明要有中式感覺，但佢冇整到一個Out嘅頭，加埋對Boot同Jacket，感覺就青春番晒！
        
        
        趙頌茹 着出星味
        
        佢咁着好OK喎！上身嘅感覺闊闊哋，下身好多人通常都會着黑色，但佢就襯咗條灰色馬褲，再襯黑Boot，配合佢高高瘦瘦嘅身形，好型！着衫仍然好有星味！
        
        何韻詩 懷舊潮Look
        
        何韻詩呢一身嘅着法好有梅艷芳影子，一頭金髮配上深色上身衫，下身再配Slim感覺，正正就係八十年代嘅梅艷芳Style，阿詩Carry得唔錯，好有懷舊感覺。
        
        貝安琪 中西合璧
        
        貝安琪個樣鬼鬼哋，着呢件衫感覺好好，一來唔係嗰啲傳統嘅喜慶紅，二來件衫和服味道重過中國Feel，呢件衫都好蝦人着，要有身材先着得起。
        
        薛凱琪 變長頸鹿
        
        敗筆喺對腳度，依家唔興呢種Belt襯牛仔裙，加上佢個膊唔靚，又紮起咗啲頭髮，搞到條頸睇落好長，如果換對長Boot會好好多！
        
        蔣怡 扮錯娃娃
        
        蔣怡着呢套衫嘅整體感覺就麻麻哋，佢又瘦、膚色又黑，唔啱着啲娃娃裝、泡泡袖，唔啱佢Style，件衫嘅比例都唔啱，佢着錯衫！
        
        吳日言 輸得好「金」
        
        佢件金色衫係最大嘅敗筆，加埋條短褲，成個配搭好亂，佢嘅身形應該借助着衫嚟遮掩缺點，但佢揀錯衫，依家好俗氣，加埋頂Boylish帽，兩頭唔到岸！

        
        設計師夏嘉懋
        
        時裝設計師夏嘉懋，曾獲選「香港十位最具魅力女性」，對於冷暖色系穿衣之道，她說：「着衫其實好因人而異，太紅嘅衫唔係人人Carry到，識玩Colour嘅，其實深色衫係好幫得手，朱茵同陳法拉就係好例子，識玩Colour Contrast（顏色對比）嘅先係高手。」

芷凌

FALA穿得很好看啊,又有中国风,不过好象略显成熟了.

Aries

   超自信哎  ..  就很喜欢她酱的感觉.

kinghan1986

挖！！！好看涅！

salong0621

挖！！！好看涅！