2012-08-16 圓出碟夢靠自己 陳法拉介意傳聞抹煞努力

wangzilin

圓出碟夢靠自己 陳法拉介意傳聞抹煞努力

「苦戰」兩年，陳法拉的處女新碟《Beautiful Life美麗人生》終於面世，這張唱片背後意義重大，不獨圓出碟夢，唱片銷情亦令她呼出一口冤氣，證明努力後得到認同！她帶點激動重申：「我唔係老闆娘，我只係一個小員工，係咪要拎公司資金來源出嚟先可以證明我身份？咁對我唔公平！」幸好時間可證明一切，被指為老闆娘的她於約滿「星揚唱片」後將蟬過別枝，即是不靠「男友」，依然有其他唱片公司對法拉有興趣，多人爭，有得揀，一身鬆晒。

採訪：方騫平　攝影：畢紹基　化妝：Annie G.Chan

髮型：Dickson Tang@Hair Corner

場地提供：Zummer@The East

無綫花旦陳法拉演而優則唱，在今年30歲之年為自己寫下新里程，推出唱片成為樂壇初哥，唱片以兩年時間製作，度身訂造了新歌《一半》與《贖罪》，滿載法拉對音樂執着與熱愛。可是被傳男友薛世恒是唱片公司幕後老闆，法拉是橫行的老闆娘、一姐、唱歌玩玩下……抹煞了她內心的一團火！縱使法拉費盡唇舌解釋都不果，唯有用行動去打動大家。

出碟非臨急抱佛腳

「一生人有機會出唱片真係唔容易，我唔做一碟歌手！其實我跟星級歌唱老師Christine Samson學咗6年唱歌，一早為做歌手做好準備，今次進軍樂壇絕對唔係臨急抱佛腳，更加唔係玩票性質，不過，外間往往將我私生活混入工作裏面，真係好無奈，我公私分明，私生活冇必要拎出嚟講，咁樣好唔公平。我只可以做好自己，畀心機錄歌，用心練咬字、盡力配合宣傳，等大家感受到我嘅唱歌同做事嘅緊張態度，我最希望大家可以好單純同好認真咁聽下我啲歌，唔想受其他唔關事嘅嘢去擾亂視線，坦白講，任何人對傳聞都會介意。」她煞有介事道。

欣賞陳奕迅勁投入

可幸，皇天不負有心人，新碟甫推出便登上唱片店亞洲唱片銷量榜冠軍，而且銷情很好，首批貨有數千隻，有些店更賣斷貨，令她放下了心頭大石。她滿足地笑說：「總算對自己有交代，男朋友冇大手入貨呀，佢只係讚我唱得好聽，MV拍得好睇，單純兩句讚美經已係鼓勵。不過，我仲有好多進步空間，相比拍戲，唱歌冇對手，好靠自己心理質素，仲要配合身體語言同埋神態，尤其是唱現場仲要同觀眾有交流，好講求執生，需時慢慢適應。我好佩服陳奕迅，佢唔理台下嘅觀眾做緊乜，幾時都會咁投入，好想同佢合作，從中偷師。」

抗拒做少奶奶

法拉視出唱片為夢想，她enjoy唱歌、拍戲，不會放棄，亦無意做少奶奶：「我知道大家好鍾意佢（薛世恒），但佢唔係圈中人，唔想令到佢同家人有壓力，冇必要因為我而打擾到佢哋，總之我哋相處，自有溝通方式，佢明白，我有我嘅工作！哈哈，我反而要抽多啲時間陪下家中小貓，因為佢有情緒病㗎！」



法拉努力兩年，終可推出處女新碟



拿過tvb最佳女配角的法拉已升為姐仔，想再看法拉作性感演出，早啲瞓啦



法拉不只是高登巴打們的頭號女神，連小妹妹亦好冧佢，可謂男女通殺



被彈唱Live甩嘴，法拉一笑置之

vickylove

盧笑敏

Fala, support you forever.

洛仔

永遠支持法拉!!!!

Scorpio

Oh, Fala!

小樱爱海马

希望法拉越来越好