2008-9-17「第一次得到觀眾愛戴」陳法拉啞女催淚洗姣底

falafan

溏心風暴之家好月圓鬥戲人辦  第十八回
「第一次得到觀眾愛戴」
陳法拉啞女催淚洗姣底
蘋果日報2008-09-17

        結局倒數仲有4日--陳法拉在《溏心風暴之家好月圓》中飾演啞妹甘詠慶，用手語演繹內心世界，突圍而出。過往法拉多飾演拋眉弄眼的二奶和反派角色，今次演啞妹，無論表情和演技均受到讚賞，還讓她大洗底，擺脫姣爆稱號，法拉坦言：「今次好人角色出嚟嘅效果好好，第一次得到觀眾咁愛戴。」撰文：卓寶花
       
       
        雖然做好人角色嘗甜頭，但法拉覺得做奸人也考演技，所以她不會專挑某類角色來演。
       
        在無綫劇集《溏心風暴之家好月圓》中，一班後輩如林峯、楊怡和陳法拉都能發揮出水準，對比第一輯《溏心風暴》，演技漸見成熟，尤其陳法拉在第一輯《溏》劇中屢招劣評，今趟她扮演啞妹甘詠慶卻備受讚賞，形成強烈對比。
       
       
        楊天經（右）和陳法拉在劇中經歷重重波折，最後終成眷屬。電視圖片
       
        法拉表示邊哭邊做手語難度很高，要記熟手語才能入戲。
       
        荷媽鼓勵易入戲
       
        陳法拉經常扮演二奶和姣爆角色，今次在《溏》劇中執到好籌，播映後獲一致好評，令她感到高興，陳法拉日前接受訪問時說：「我上網睇番啲觀眾反應，好多人覺得我今次演得有進步，好人角色出嚟效果好好，第一次得到觀眾咁愛戴，拍之前我花咗幾個月跟老師學手語，每次都要學三、四集對白，仲要錄起返屋企重溫。」
       
        法拉用手語演繹阿慶一角，事前要做足準備工夫，她說：「雖然唔使講對白，個心會定啲，但要記住邊度入位做手語。劇入面講到我同楊天經嘅一段感情時，有好多喊位，初時我成日掛住做手語，好難入到戲，試過分開兩樣嚟做，但唔配合，後來要好熟練手語再投入角色先可以做到，呢樣係最難克服嘅問題，每逢到呢啲位，荷媽（李司棋）就會拍一拍我或者捉緊我雙手畀鼓勵我，等我可以更易入戲。」
       
        啞女的角色令法拉洗底，網民由批評轉為讚賞，法拉笑說：「我本身唔係太衰啫，只係因為角色關係，啲人睇完突然覺得我純情咗。」洗底後會否嚴選角色，拒絕再演二奶？法拉說：「冇諗，演戲唔係為出街得到人讚我人品好，係要觀眾認同演技，好似米雪飾演紅姨都好成功，同樣有俾人讚，後者嗰種讚揚對我嚟講更需要，好過啲人只讚我好人、手語做得好。我最想要係觀眾點評價陳法拉，所以我唔會諗下一個角色要做乜，不過好人角色的確係有甜頭，起碼會俾人讚先。」
       
       
        陳法拉為了飾演啞女阿慶苦練手語，得到觀眾好評，努力並沒白費。
       
        奸人比忠角易演
       
        陳法拉表示阿慶一角是入行以來最有發揮的，不過奸角和好人她同樣喜歡，反而覺得壞人易做，她說：「現實生活中冇人會奸到出汁有樣睇，演員靠想像誇張做個衰樣出嚟，出啲力已經做到，但普通人做好人角色就好難做到出色。」
       
        攝影：陳慧安
        髮型：Ling Chow（Salonide IL COLPO GROUP）
        服裝提供：Lane Crawford
        場地提供：Salonide IL COLPO GROUP
       
        溏人心聲
        最愛劇中金句--手語真情流露
        「我係用手語去演繹，有幕見工有一句『細個見到人哈哈笑，我就唔敢笑，笑又冇聲，喊又冇聲，覺得自己好醜』我做嗰時真係喊咗出嚟。」
       
       
       
        自選最愛場面--結婚溫馨感動
        「係我同Kelvin（楊天經）結婚嗰場戲，要用手語做出多謝家人一直以來照顧，劇本寫得好好，演繹時好感動，李司棋一邊用說話幫我解釋，場面好感人好難忘，好似真係有一個好愛錫自己嘅媽媽咁。」
       
        表現最好演員--楊怡演出深度
        「楊怡飾演阿月，劇入面係我家姐，講我哋好好感情，阿月有好多場受咗委屈嘅戲都做到好深入，個角色性格本身同楊怡都有幾分相似。」

falafan

陳法拉手語冧掂小朋友
太陽報17/09/2008

        喺電視劇《家好月圓》中飾演啞女阿慶嘅陳法拉，之前接受電視訪問，做慣啞女嘅佢不忘大騷手語，雖然該劇已經拍完一段時間，但佢嘅手語依然冇生疏。法拉去咗香港青年協會教一班小朋友用手語唱遊，佢同班小朋友相處愉快，大讚佢哋率真可愛添！

        網址：http://blog.tvb.com/falachen/2008/09/16

cusa2005

苹果的图就是毁人不倦

蛋蛋

原帖由 cusa2005 于 2008-9-17 06:57 发表
苹果的图就是毁人不倦

  对也  我同意

   

zuan

2张图片不错

紫色〞星空

苹果的图就是唉....无语
美女拉的图就这样被毁了

灵心小雪

法拉说得对！最重要是自己的表现能得到观众的认同！

Charmaine

那么漂亮的FALA苹果也能拍出这种水平。。。汗。。
  FALA人美心更美。。。

灵心小雪

原帖由 cusa2005 于 2008/9/17 06:57 发表
苹果的图就是毁人不倦

拍个照居然效果这么差～～　苹果该检讨了啊．．．．

chris

苹果D相效果好差
咁都开以拿去来....真是....

falafan

不是拍摄的问题，而是拍完了加工的问题，故意锐化成这效果的，苹果就是这样的，好好的照片放上去多好，硬是要加工丑化一遍，龌龊的媒体。法拉这几张其实都算不错了，只是锐化成这样颜色太深了。

法拉加油

法拉几时拍新剧啊？

Kenwick 粉丝报道

得到观众爱戴是努力换得的回报！
加油！

charyin

原帖由 cusa2005 于 2008-9-17 06:57 发表
苹果的图就是毁人不倦

欢迎前去天涯观看巨雷的苹果图片