法拉城-陈法拉网站

标题: 2007-7-28抓緊機會游刃有餘黃宗澤投資 [打印本页]

作者: falafan 时间: 2007-7-28 14:54:39 标题: 2007-7-28抓緊機會游刃有餘黃宗澤投資

抓緊機會游刃有餘
黃宗澤投資
太陽報28/07/2007
文：袁案

「哎吔！隻股過三十蚊喇！上年我冇聽阿媽講，冇買到，　心喇！」黃宗澤一邊做訪問一邊講股市升定跌。

去年是黃宗澤事業的小收成期，錢賺多了，開始學習投資。他是機會主義者，沒想到他對「機會」有這樣的看法：「機會頭前有髮、腦後冇毛。他在身前便可將他擒住，一旦逃走便無法捉回他。」看似艱深，可能是個簡單的道理。

事業的機會，他抓緊了！那，愛情呢？

財積聚多一個零

入行七年，去年是黃宗澤（Bosco）的一個小豐收期，這一桶金雖然賺得不易，每日瘋狂拍劇，拍到天昏地暗，又要賺外快接騷，難怪他苦笑說：「我阿媽試過投訴我，問我點解冇咗個仔？」不過，辛苦也是值得的，每當看到「紅簿仔」的數字多了一個「零」，開心便加了一分！

賺得多，自然要懂得理財，Bosco以前將財政大權全盤交予母親儲起，不過要生財，便要學習投資之道：「舊年賺多咗錢、睇多咗財經節目，仲開始學人買股票，但我係穩陣派，只會買實力股，絕對唔會炒賣，我知呢個世界永遠唔會有低買、高賣，所以我會好小心。」

Bosco生活富足了，最近更完成一個小心願，買了一輛心儀已久的73年版「MG」古董車，但他認為距離買大屋的目標，仍有一段距離：「我只係同媽咪住，仲想買多間屋畀爹哋，等佢住得舒服啲！」

醒適當時候離場

人生充斥着機會，除了要看準時機、把握機會外，Bosco認為留有餘地亦很重要：「我知往往贏啲人並唔係識得研究，反而係懂得離場，千祈唔好贏到盡，人生都係一樣，凡事留一線，日後好相見，唔好影響到人就最好啦！」事業看似交了一張好的成績表，但Bosco對自己仍不甚滿意，嫌自己仍有不足：「做嘢我最多畀六十分自己，因為我覺得未夠努力，成日都會搵借日偷懶，好似劉德華咁先叫勤力嘛！」

雖說了一聲「我有惰性！」其實Bosco也會深深感受拍劇的辛酸：「每套劇我都好畀心機去拍，就算捱更抵夜都唔怕！好似拍《強劍》成日要打，仲有句口頭禪『三日一威吔，五日一大打』真係打到周身傷，最難忘係前年除夕我扭親腳，仲堅持拍埋個Shot（鏡頭）先去睇醫生，原來係軟組織受傷，但第二日又要撐住拐杖做《覆雨翻雲》宣傳，但我覺得值得。」

情沒有時間付出

Bosco從不放過每個發展事業的機會，然而他對感情的投資，卻是別人眼中最關心的話題，他與胡杏兒那份疑幻疑真的感情、對陳法拉是否動了真情，最惹人談論，Bosco蹙眉一笑說：「此時此刻，杏兒的確係我嘅好朋友，大家做人態度好似，拍劇都好有默契，你問我有冇發展機會？我冇去了解喎！老實講，真係冇時間；法拉單緋聞就唔使講啦！我同佢大纜都扯唔埋，好匪夷所思囉！我發誓冇同佢單獨出過街，只係《溏心風暴》一大班人食飯。」

別看Bosco外形花弗，就一定以為他是大情聖，就算面對「劈腿」愛情，也能游刃有餘，但他自嘲從來不是一個理想的情人，外表及內心極端化。問他會如何投資感情？他說：「基本上我依家都冇乜投資，感情係要付出、互相遷就，但依家冇囉！」

後記：汗人

Bosco是一個大汗人，出汗這習慣，自小已有，他笑言夏天就算坐在有冷氣的地方，也會不停出汗。訪問當日，冷氣十足，Bosco卻全身出汗，化妝師不停為他印汗、補妝，汗一直在流，但他買的股票一直升，令他開心到震！

陳法拉

作者: falafan 时间: 2007-7-28 14:57:43

擦边访问，又有一张法拉的图片，所以还是贴出来

作者: chris 时间: 2007-7-29 21:05:05

多谢分享!!!!!!!!!!!!

欢迎光临法拉城-陈法拉网站 (http://falachen.org/bbs/)