法拉城-陈法拉网站

标题: 2007-7-22美人兒誘盡俊男陳法拉隨緣 [打印本页]

作者: falafan 时间: 2007-7-22 10:38:44 标题: 2007-7-22美人兒誘盡俊男陳法拉隨緣

美人兒誘盡俊男陳法拉隨緣
22/07/2007
文：袁案、蘇媚

人，十居其九喜愛看美的事物。
但男女有別，女的愛男生威風八面，可是男的惟恐七年之癢，戀愛總是令人六神無主。

陳法拉與賀軍翔（小美）來自五湖四海，她沉魚落雁，他英姿煥發，

同樣擄盡香港少男少女心。然而他們沒有對愛情三心兩意，只求一個憧憬！

Queen是法拉，King是小美，讓我們來一次戀愛大「晒冷」！

少男殺手？

穿上性感舞衣搔首弄姿，陳法拉不愧為新一代性感女王。觀乎每個網上討論區，法拉的名字都跟性感女神、上位藝人掛鈎，「少男殺手」當之無愧！對於此稱號，法拉敬謝不敏：「我覺得自己似『少女殺手』多啲，我有好多12、13歲妹妹Fans，佢哋會拉晒Banner支持我，男Fans？我唔覺好多喎！當然有咁多人支持，梗係開心啦！」

「好多人對我嘅外形有好印象，我覺得係件好事，起碼佢哋知道我係邊個。不過我唔鍾意人哋Focus喺我身材上，自己從來唔係表演呢樣嘢，其實我身材唔突出，只係有人寫過呢樣嘢，個個就會跟住寫，好似Anya Hindmarch環保袋咁，人買你又買，我控制唔到。」訪問前一晚，法拉因趕劇只睡兩小時，不過說這番話時雙眼發亮，可見她十分在意人們談論她的身材。

法拉又自嘲說：「有人話我電力十足，認真多謝晒，其實我性格唔係咁，媽咪仲笑我做人太倔，唔識氹人，好難嫁得出，私底下我係個不修邊幅嘅人。」對於別人說她是「姣精」，她即漲紅了臉，橫眉怒說：「我好介意人哋咁講，唔該唔好好似小朋友咁無知啦！」修讀Marketing出身的法拉，知道自己的「Market Position」，故在人前不介意性感，但希望別人認清她並非「金玉其外」。大學畢業的她自小已想做女強人，為了完成心願，讀大學期間更寧願善用暑假走去讀書，目的是快人一步，投入社會。

愛．義無反顧

「兩情若是久長時，又豈在朝朝暮暮？」法拉深信愛只要堅定，哪怕天荒，依然愛未老。遙想自己的Puppy Love，她坦言兩人感情不深，但每當想起時仍甚回味：「我拍過兩次拖，第二段感情喺大學時發生，佢係個ABC，唔係特別靚仔，不過佢數學叻，教曉我好多嘢，嗰陣一齊溫書，一齊睇戲食飯，諗起都好開心，後來我嚟香港發展，半年後大家話題少咗，自自然然就分手囉！」

對於擇偶的要求，抾拉坦言不要靚仔：「我鍾意文靜同成熟啲嘅男仔，年紀唔可以細過我，因為保護唔到我，佢唔使太靚仔，如果好似賀軍翔咁靚仔反而會驚，好唔現實。」問到是否覺得自己是一位理想情人，她說：「如果我願意付出，我諗自己會係一個好的情人，因為我係一個有責任心嘅人，如果我真係鍾意佢，一家會義無反顧，我煮嘢食都好叻嘅，佢一定有口福，對於愛情，絕對有憧憬，不過唔係依家。」

野心．磨練演技

「我係個好隨緣嘅人，凡事唔會強求，但我上進，做嘢認真兼有責任心，仲對屋企人好好。不過我性格大頭蝦，有時會唔小心，唔知講錯嘢！」雖說隨緣，但她飄洋過海隻身來港，說沒有野心，只是哄小朋友而已，她說：「我希望朝演戲方面發展，距離目標仲有一段好長嘅路要行，演技更加講不上。」人紅自然身價高，坊間說她脫毛價三十萬，她說：「當然未到呢個價，不過隨住《溏心》效應，呢段時間出騷，酬金當然會高啲啦！」

從心出發

法拉的擇偶條件絕不會放外形為首位，但求他朝遇上一個對她真心真意的Mr Right，便於願足矣。

一：性格

「我覺得人嘅性格係最重要，正所謂相由心生，一個人的心地善良，他的外貌也不會差得去邊。」

二：背景

「有云：『竹門對竹門』，兩個人如果背景相同，就唔會出現不必要嘅誤會同壓力。」

三：身形

「我覺得一個擁有強健體魄嘅男仔先可以保護到佢嘅女朋友，太過瘦弱真係唔係好得。」

四：外貌

「外貌對我嚟講並唔係最重要，我男朋友千祈唔可以太靚仔，我會好冇安全感。」

五：高度

「其實我唔係一定要一個好高嘅男朋友，只要唔好矮過我就OK！」

作者: falafan 时间: 2007-7-22 10:40:42

夢中情人金城武

「少男殺手」都有被殺時，法拉自爆求學時，已給金城武的十萬伏特電力殺得暈得一陣陣：「如果我哋有機會合作，一定唔會準時返工，因為我實早到，佢嘅眼神帶畀我無限嘅想像空間，聽聞佢會躲在一角打機，認識後幻想就可能從此消失。」

我看對手

《華姐》出身的陳法拉事業一帆風順，在同期新人中，她可說是一枝獨秀，同行如敵國，究竟她怎樣去看競爭對手？

鍾嘉欣　天生藝人

「佢好犀利，做乜似乜，外形又討好，天生食呢行飯，我從佢身上可以學到好多嘢。」

徐淑敏　認真非姣

「啲人成日講佢嘅身材，我哋真係要攬住喊！同佢傾偈就知佢唔姣，做事亦好認真。」

廖碧兒　舞技超群

「佢真人靚過上鏡，我哋一直以佢為榜樣。佢舞功一流，我嗰啲只係三腳貓功夫咋！」

激讚男同事

藝人拍劇容易惹上緋聞，但坦言對圈中不存在任何幻想的法拉，對同公司的男藝人有甚麼看法？

黃宗澤　開心馬騮

「唔知點解同佢傳緋聞，私底下一個電話都冇。不過佢確係開心果，好識去娛樂人。」

鄭嘉穎　紳士風度

「其實我幾欣賞佢，佢畀我感覺好Gentleman，絕對係一個好好嘅男人。」

陳豪　樂於助人

「佢教我用眼神做戲，又幫我對對白，糾正我啲懶音，好多謝佢咁忙仲肯教我。」

法拉05年勇奪華姐亞軍，與同屆冠軍李亞男一起展開星途。

法拉憑《溏心風暴》中穿泳衣一場戲，吸納大批少男Fans。

法拉表演拉丁舞揮灑自如，但謙稱只是「三腳貓功夫」。

作者: falafan 时间: 2007-7-22 14:51:32

人的智慧都是选择性地用在不同的地方，就好比这些传媒，说他们无知吗，又不是，写起正常的访问来有条有理的，写起八卦来胡编乱造完全把读者当白痴，而读者也选择性的运用自己的智慧去分辨真伪。

作者: moko 时间: 2007-7-30 08:32:47

"写起正常的访问来有条有理的，写起八卦来胡编乱造完全把读者当白痴"
赞同阿T的话

写八卦写的都是瞎编,老写些与事实完全不一致的,对艺人太不公平了.特别是新的艺人.反正每次看到有写fala 的一些,我全都不会当真.

作者: 乐亦枫 时间: 2007-7-31 16:04:37

法拉好谦虚哦！！！

欢迎光临法拉城-陈法拉网站 (http://falachen.org/bbs/)