法拉城-陈法拉网站

标题: 2011-9-9《潛行狙擊》結局率先爆 [打印本页]

作者: falafan 时间: 2011-9-9 08:59:36 标题: 2011-9-9《潛行狙擊》結局率先爆

《潛行狙擊》結局率先爆
馮仁昭四圍超：跛 Co殺 Madam Jo償命
蘋果日報2011-09-09

無綫 30集人氣劇《潛行狙擊》上周平均獲 200萬家庭觀眾捧場，噚日 myTV播第 27集，點擊率超過 160萬，排名 No.1，氣勢如虹。不過 Laughing謝天華同跛 Co黃宗澤正邪鬥法咁耐，都係時間講拜拜，今晚無綫會連播兩小時大結局，仲會安排全劇演員晒冷，喺九龍灣同 200名現場觀眾一齊睇跛 Co點死。

跛 Co黃宗澤為上位不擇手段，宅男心愛嘅 Madam Jo陳法拉今晚將會慘死。劇照

可可係警方卧低

今次《潛行》叫好又叫座，聽聞無綫有意開第三輯，不過最重要都係睇埋結局口碑。其實網民好鍾意競猜劇中誰是卧底，所以劇組一早拍定兩個結局，未曝光嘅結局會喺今晚《東張西望》率先播出，原來劇情係講徐子珊飾演嘅大律師可可係終極無間道，佢係警方卧底，但又真心鍾意社團大佬跛 Co，可惜佢知道呢段愛冇明天，與其男友要坐監，倒不如手刃至愛，親自開槍殺死跛 Co。

Laughing殺跛 Co

至於真正出街嘅結局就啱啱調轉，可可因為知道國際販毒集團嘅秘密，集團主腦逼跛 Co殺可可，好彩跛 Co知道女友嘅心臟位置異於常人，所以徐子珊中槍後跌落海都逃過一死，被蠟青 MC Jin救番。不過跛 Co壞事做盡，佢喺 Laughing面前殺死 Madam Jo陳法拉， Laughing要為愛人報仇隊冧跛 Co，其後 Laughing坐監，喺獄中又遇上神秘人，而呢幕戲就正正係《潛行》電影版嘅開場引子，都幾引人入勝。

作者: falafan 时间: 2011-9-9 09:02:49

黃智賢辣薑臥底再搶人氣
東方日報2011-09-09

黃智賢（Ben）於劇集飾演的「辣薑」臥底反應甚佳，被不少網民熱烈討論，人氣急升。雖然Ben與靚女陳法拉極少機會「交手」，但Ben依然睇好對方封視后。

Ben早年於《真情》飾演的容向海深入民心，令大家都覺得他是好男人。直至最近播出《潛行狙擊》，他飾演的黑社會大佬及臥底角色「辣薑」再度掀起熱潮，不少網民連他的衣着均有留意及評論，令他大感鼓舞。

陳法拉演技出色，被黃智賢睇好封后。

做到唔知自己做乜

Ben表示：「呢幾年我有好多嘗試，唔只係做好人，不過我真係少做呢類角色，做蠱惑仔係第一次，可能監製覺得我個樣亦正亦邪，編審曾經同我哋講過，今次卡士係完美組合。」Ben又指演臥底角色就如同時演幾個角色一樣：「一個臥底係經常做緊戲，做到唔知自己做緊乜，唔知自己係邊個。」

與劉松仁擦出火花

雖然Ben與飾演Madam的陳法拉對手戲不多，但他力撐對方封視后：「法拉嘅演技同表現大家都有目共睹，而且今次佢呢個角色都好強，我睇好佢。」至於首度合作的劉松仁及黃宗澤，Ben則指合作感覺既刺激又新鮮，更力讚松哥是好前輩：「試過有啲場口我同松哥係放低劇本，大家互相撞對白，我會咁講，你會點答？導演又肯畀空間我哋，真係過足戲癮，好有火花。」Ben又稱喜歡黃宗澤的角色，曾經很想與對方交換。

作者: falafan 时间: 2011-9-9 09:09:42

占

作者: 清晨的Mango 时间: 2011-9-9 09:54:23

希望电影版法拉亦会出演~

作者: 如如 时间: 2011-9-9 09:56:06