法拉城-陈法拉网站

标题: 2007-5-14林峯楊怡法拉諾懿《溏心》畀我哋名利雙收！ [打印本页]

作者: falafan 时间: 2007-5-14 07:40:59 标题: 2007-5-14林峯楊怡法拉諾懿《溏心》畀我哋名利雙收！

林峯楊怡法拉諾懿《溏心》畀我哋名利雙收！
頭條網2007年5月14日

　　全城熱爆劇《溏心風暴》播放至今﹐劇情峰迴路轉﹐大眾巿民茶餘飯後都在談論劇情﹐平均收視更達32點（約230萬觀眾）﹐劇集大收﹐令劇中主角人氣急升﹑工作量大增﹔今日我特地在老細火鍋設宴﹐以「溏心」鮑魚款待劇中四位年輕主角﹐分享他們的拍劇心得與近況。

　　撰文﹕黃栢高
　　統籌﹕林永匡﹑彭燕燕
　　協力﹕袁東亮﹑何灝霖
　　場地提供﹕老細火鍋
　　（九龍洗衣街251B號地下 Tel﹕2390 4888）

　　跟林峯認識了很久﹐我知道他很喜歡唱歌﹐可惜因為時間上難以配合﹐最終都未有真正合作﹐今年他正式落實跟英皇簽約﹐在此我要衷心祝福他。林峯在《溏心風暴》中﹐被監製安排周旋在蒙嘉慧和鍾嘉欣兩女之間﹐享盡齊人福﹐他笑言最深刻的﹐莫過於連場接吻鏡頭。

　　林峯：我當嘉欣係女友！

　　「今次拍劇，最大得着係對感情戲掌握得好咗，記得每次拍Kiss戲時，都有十幾部相機對住我哋，一咀落去就聽到好多相機喺度『嚓嚓嚓』聲，令我哋差啲忍唔住笑，可能監製劉家豪知道我本身冇拍拖，所以今次咁益我，一次過同兩個女仔拍拖，那段日子裏，我每日都抱住拍拖的心情返廠，直情當嘉欣係我女友，而同YoYo就因為係偷情，所以每次埋位前後都會互相安慰，感情就係咁錯綜複雜o架啦，大家都知道係劇情需要、觀眾會接受嘅。」

　　楊怡：觀眾鍾意我壞！

　　今次是我跟楊怡首次見面，雖然認識不深，但看到她在《溏心風暴》中的演出，實在令人驚喜，飾演性格倔強的過氣名模，為了愛情，甘願背夫勾佬，楊怡笑言觀眾很喜歡她的壞女人形象，同時亦得到《溏心》帶挈而收入大增。

　　「其實今次個角色都幾唔討好，又食煙又飲酒，仲要背夫勾佬，感覺好壞，初初都擔心觀眾會唔鍾意，但估唔到觀眾好接受我呢個壞女人，日日追住睇，感覺好開心，依家有晒準備去做奸角，改變自己戲路；因為《溏心》係香港、大陸同步播放，所以帶來很多工作機會，近排日日影相做訪問，一日踩足三場，有幾個廣告傾緊，同時又要返內地登台唱歌、剪綵等，令收入大增。」

　　法拉：我唔介意性感！

　　華姐出身的陳法拉，在《溏心風暴》播出首周以火辣三點式示人，成功吸引210萬觀眾收看，把收視推上高峰，劇集播出至今，成功吸引大批男士熱捧，人氣爆燈的她，工作接踵而至，早前更有報道指她將會被「細契」買兇強姦，令觀眾日日坐在電視機前等睇好戲。

　　「根本就冇呢場強姦戲，完全冇拍過，我覺得好好笑，其實那場沙灘玩水戲都好普通啫，只要係劇情需要，我唔介意性感演出，況且拍攝時都冇諗咁多，唔會介意別人的眼光；拍《溏心》那段日子，個個演員都好錫我、包容我，做錯事、得罪人，他們又會提點我，好似一家人咁；其實我個人好主觀、好硬頸，我都知呢個可能係最大缺點，但做藝人又點可以冇自己嘅Personality（品格）；至於揀男友方面，當然要講感覺啦，唔會特定某些條件嘅，試問有邊個女仔唔鍾意俾人錫？我個人好直o架，係就係，唔係就唔係。」

　　諾懿：我想拍電影！

　　入行四年、貌似陳百強的黎諾懿，在劇中飾演孝順仔唐至歡，因為爭產案而成為眾矢之的，角色圍繞着幾位老前輩的他，笑言獲益良多，演技大躍進；渴望踏足影圈的他，自言已積極學習國語，落力修改懶音，足證他誠意可嘉。

　　「唐至歡的角色在尾段好重要，佢要呃晒所有人，好慘，簡直就係愚孝，手掌又係肉，手背又係肉，最後變得好迷失；今次跟這班經驗豐富的老前輩拍劇，令我學識如何控制情感，就連喊都有分好多種；下個禮拜便有機會到成都拍大陸劇，我知道自己的國語不好，所以已積極練習，同時我亦希望有機會出外接拍電影，雖然明知電視和電影係兩個唔同嘅世界，外面亦唔似TVB咁仁慈，做錯事唔會有人畀機會、壓力會大好多，但我仍想挑戰自己。」

　　Paco

■《溏心風暴》能夠成為全城熱話，全拜劇中演員賣力演出。今日我特意設宴，請他們品嚐溏心鮑魚，希望他們未來能夠在娛樂圈發熱發亮。

■華姐出身的陳法拉不介意性感演出。

作者: cusa2005 时间: 2008-11-4 05:23:40

这个造型很纯

作者: falafan 时间: 2008-11-4 05:36:17

这么旧的帖子你还回复，其实这帖已经锁了，新闻帖过了一个月会自动关闭的。

作者: cusa2005 时间: 2008-11-4 05:38:25

:yc15 不知道鎖了，看不出來的，汗

欢迎光临法拉城-陈法拉网站 (http://falachen.org/bbs/)