法拉城-陈法拉网站

标题: 2008-9-10溏心風暴之家好月圓鬥戲人辦第十三回 [打印本页]

作者: falafan 时间: 2008-9-10 04:58:22 标题: 2008-9-10溏心風暴之家好月圓鬥戲人辦第十三回

溏心風暴之家好月圓鬥戲人辦第十三回
重返無綫響頭炮
琴姐攬靚孫林峯標暗瘡
重返無綫響頭炮琴姐攬靚孫林峯標暗瘡
蘋果日報2008-09-10

李香琴在《溏心風暴之家好月圓》中扮演甘家嫲嫲佘君麗，劇中的她疼錫孫仔孫女，戲外的她跟眾乖孫感情也相當好，其中林峯至今仍以嫲嫲來暱稱她。琴姐又回想起拍攝她與林峯嫲孫互攬的場面後，竟然生了粒暗瘡，更笑指一定是林峯「傳染」她。撰文：比華利

李香琴回歸無綫的第一炮就獲安排演出重頭劇《溏心風暴之家好月圓》，由於劇集大受歡迎，琴姐也自覺幸運，日前她在何文田接受訪問時說：「記得上次《溏心風暴》慶功，關菊英帶我出席慶功宴，監製見我自由身，好有興趣同我合作，後來有次食飯撞到陳志雲，佢同我勾手指邀請我返無綫，後來就同樂易玲傾好咗合約，如果合約簽遲幾日，我可能就做唔到佘君麗呢個角色。」

李香琴獲陳志雲邀請重返無綫，頭炮便拍攝重頭劇《家好月圓》，大讚過足戲癮。

婆孫戲外親密

琴姐飾演的佘君麗，是Jo飽（夏雨飾）的母親，經常恃老賣老，雖然愛錫一班孫仔孫女，但她性格易受人唆擺，因為接受不了媳婦荷媽（李司棋飾）的頂撞，加上奸險的紅姨（米雪飾）乘勢介入，令她懵盛盛拆散兒子的大好家庭。琴姐說：「佘君麗呢個角色本身心地好好，不過性格上有啲搖風擺柳，咁啱佢同個仔Jo飽都係冇宗旨嘅人，紅姨正好睇啱呢點介入，做咗第三者。」佘君麗一次心臟病發後，幸得到荷媽喚醒，得以逃過鬼門關，她才對這個前媳婦開始改觀。

琴姐這次扮甘家嫲嫲，有六名乖孫，鏡頭前後，彼此都如親生婆孫一樣密切，琴姐說：「係呀，佢哋個個都好乖，角色講我最錫管家仔（林峯飾），有一幕講我哋相擁，咁啱嗰日林峯大傷風，我仲講笑話同佢拍完一定會傳染埋我，過咗幾日，我塊面無故生咗粒暗瘡，我咁嘅年紀點會生呢啲嘢，我咪返廠笑佢，一定係佢惹畀我囉。」雖然《家好月圓》已拍完，但林峯每次致電琴姐時仍暱稱她做嫲嫲，她也樂意多個靚仔乖孫。

琴姐與劇中一班孫仔孫女無論戲內戲外，感情都非常好。

鬧人切忌洩氣

對於劇中演員，琴姐都讚不絕口，她說：「菊姐最初回歸拍攝《溏心風暴》，因為好耐冇拍劇，佢都有問我有乜嘢心得，我就要佢熟讀劇本，講對白唔係念口簧，要融入感情，要鬧人都要一口氣，一旦洩咗啖氣，出嚟效果就會唔同晒，所以菊姐當時演細契一角，就一輪嘴鬧人，演得好投入。」

溏人心聲
最愛劇中金句--「嫲嫲行得快，一定好世界」
「嫲嫲行得快，一定好世界。」琴姐最愛聽這句劇中一班乖孫賣口乖的口頭禪。

自選最愛場面--被鬧拆散家庭

「有一場戲係阿慶（陳法拉飾）用手語鬧我拆散成頭家，由管家仔（林峯飾）從旁做繙譯，我聽完一班孫仔孫女嘅肺腑之言，我都感動到喊咗出嚟。」

表現最好演員--法拉苦練手語

「成套劇個個都做得好，真係缺一不可。阿慶（陳法拉飾）又要顧住做手語，又要做表情，我覺得佢配合得好好。」

作者: insanity1903 时间: 2008-9-10 14:17:06

幾乎每一場法拉的scenes都很感人。。。

法拉真的進步好多﹗

作者: 灵心小雪 时间: 2008-9-10 14:26:32

自選最愛場面--被鬧拆散家庭

「有一場戲係阿慶（陳法拉飾）用手語鬧我拆散成頭家，由管家仔（林峯飾）從旁做繙譯，我聽完一班孫仔孫女嘅肺腑之言，我都感動到喊咗出嚟。」
这场戏我也很喜欢！看法拉打手语劝奶奶的时候，我都流眼泪了～～

大家都真心劝慰奶奶～～真的好感人！！

作者: 紫色〞星空 时间: 2008-9-10 18:35:44

「成套劇個個都做得好，真係缺一不可。阿慶（陳法拉飾）又要顧住做手語，又要做表情，我覺得佢配合得好好。」

这句顶起来~
法拉不容易啊，做手语也感动了那么多人！！

作者: 乂爱你法拉乂 时间: 2008-9-13 13:35:41

嗨！！！大家好！！！我是新人！！！刚刚才玩！！！

作者: 乂爱你法拉乂 时间: 2008-9-13 13:37:48

没人吗？？？？？？

T_T

作者: 灵心小雪 时间: 2008-9-13 21:49:31

原帖由 乂爱你法拉乂 于 2008/9/13 13:35 发表
嗨！！！大家好！！！我是新人！！！刚刚才玩！！！

欢迎欢迎！！(tu14: 希望你在法拉城玩得愉快呀！！

欢迎光临法拉城-陈法拉网站 (http://falachen.org/bbs/)