法拉城-陈法拉网站

标题: 2008-2-15周麗淇貴氣外套毛冷感 [打印本页]

作者: falafan 时间: 2008-2-16 03:27:41 标题: 2008-2-15周麗淇貴氣外套毛冷感

周麗淇貴氣外套毛冷感
太陽報15/02/2008

      有乜嘢係成日都會興，女仔穿起又靚又Cute，男仔着起又型又In呢？答案就係毛毛外套！近期藝人經常着毛毛外套出席各大場合，究竟毛毛有咩吸引力，能夠成為星之熱選？

      周麗淇

      牌子：日本牌子，唔記得。　價錢：約7,000元

      「黑色易襯嘛！同埋有啲毛毛點綴吓冇咁悶，幾特別。而且佢質料又好，夠軟，加上又夠長，保暖得嚟又帶點高貴嘅感覺。」

      黃宗澤

      牌子：只知係日本牌子。

      價錢：約1,500元

      「好少見到紫色嘅褸，仲要個款咁靚，入面嘅毛毛仲可以反轉雙面着，梗係買啦！我成日上網睇吓啲外國衫，呢件就喺日本網落Order郵購嚟喇！」

      方皓玟

      牌子：Pinky Girls　

      價錢：約1,000元

      「一見到個Cutting已經好鍾意，特別係個白雪雪嘅領位，好特別又夠搶眼，而且係中袖設計，唔使怕整污糟。」

      張苡澂

      牌子：Cristal Style　價錢：約1,000元

      「我好鍾意粉紅色o架！夠Cute嘛！呢件衫夠晒暖，款式又夠靚，特別係帽上面啲白雪雪嘅毛毛，好得意。」

      莊思敏

      牌子：不詳　價錢：約1,500元

      「呢件背心我買咗幾年，但個款仲未Out。我鍾意佢啲毛毛好暖，但係背心又唔會太熱，好凍嘅時候可以再加件褸，好方便。」

      陳法拉

      牌子：不詳　價錢：數百元

      「冷衫入面都有毛毛，好少見。雖然唔係咩大牌子，但係着上身好舒服o架！外觀又靚，而且方便易襯，簡直係我呢期嘅Best Buy呀！」

      Angelababy

      牌子：LIP SERVICE　價錢：約2,000元

      「四個字，好靚好抵！啲毛毛又軟熟，顏色又有層次感，黑得嚟唔會好沉，個Cutting又啱晒我，價錢仲要唔係好貴，真係好正！」

作者: falafan 时间: 2008-2-16 03:35:44

蘇民峰批娛圈偶像末路
Stephy霧水桃花霆鋒感情穩
蘋果日報2008-02-15

豬年尾聲時，疑似藝人淫照事件恍如炸彈爆發，成為本地娛樂圈史上數一數二的轟動新聞，被捲入淫照風波的鍾欣桐（阿嬌）、陳冠希前緋聞女友鄧麗欣（Stephy）及受太太張栢芝牽連的謝霆鋒全遭波及，不過堪輿學家蘇民峰卻向阿嬌大派定心丸，指08年旺「木」及「土」姓氏的藝人，阿嬌和方力申及蔡卓妍（阿Sa）和鄭中基這兩對緋聞男女，俱可創事業高峯。

蘇民峰說：「啲人有木有土特別有利，好似方力申、鍾欣桐，佢哋會有個人高峯運；蔡卓妍、鄭中基、陳法拉、舒淇、梁洛施、謝安琪佢哋都好，但每個人嘅高峯運同成就都唔同。」蘇民峰又預測9位藝人的鼠年運程，指Stephy豬年犯太歲，易遇不快事，今、明兩年是思想學習期，易有霧水桃花；霆鋒豬年是非多，但鼠年後感情穩定。

至於鼠年娛圈整體運勢，蘇民峰批偶像風減退，利食腦創作，他說：「07、08、09呢3年屬水，係經濟活躍期，娛樂圈同經濟息息相關，娛樂圈基本上唔錯，越嚟越流行諗計度橋同埋創作歌手，04年後嘅紅人多數識得創作，偶像冇咁流行，對男藝人有利啲。拍電視冇咁着數，因為利謀略戲，師奶唔識睇，電視會係知識性年代，好似discovery呢啲資訊性節目會更受歡迎。」

撰文：朱倬誼

欢迎光临法拉城-陈法拉网站 (http://falachen.org/bbs/)